منتدى استراحات زايد - سالفة القرعه والقرعتين

بسم الله الرحمن الرحيم
السلام عليكم ورحمة الله وبركاته
وكل عام وانتم بالف خير
مرة فتره بنجد كان فيها الاخوان لهم صولات وجولات
وفيه شاب يحش الربيع هو وبنت جيرانهم واذا حملوا زملهم جو للديره
وبيوم من الايام جوهم الاخوان وهم يحشون قالوا لهم
وشلون تحشون بالخلا لحالكم
الشاب قال هذي اختي خاف من الاخوان يمكن يذبحونهم
لان الاخوان شديدين وعلى جهل الله يعفي عنا وعنهم
قالوا اثبت انك اخوها قال وشلون اثبت لكم
قالوا حبه يعني قبلها
وبدون تردد الولد مطخ البنت من الخوف
قالوا هالحين صدقناكم وراحو
الولد والبنت كملو حشيشهم وحملوه على زملهم ولا كلام ولاعلام
وما عاد طلعوا يحشون الربيع خافوا يدرون عنهم الاخوان زود على الاحراج
ايه راحت الايام وتزوجت البنت فلاح من ديرتن ماهي بعيده عنهم
وراحت السنين وجت السنين وبيوم من الايام صار عرس بالديره اللي به البنت طبعا صارت ام عيال ورجله ماهو بسيط عنده فلاحتن كبيره
اهل العرس عزموا اهل الديره واهل الديره اللي بجنبهم ديرة مرة الفلاح
وتعرفون منول العرس والعشاء العصر ويوم تعشوا الناس كلن راح بدربه
مزرعة الفلاح رجل رفيقتنا على درب ديرة اهل مرته
اللي قامت وقطعت قرع واجد وعطت كل واحد من اهل ديرته قرعه وهم راجعين
ويوم جاء جاره اللي كان يحش هو واياه يبي ياخذ قرعته
قامت وعطتته قرعتين وقالت هذي وحده لك وحده على شان اللي انت خابر
انتهت السالفه
غفر الله لي ولكم وللمسلمين والمسلمات والمؤمنين والمؤمنات الاحياء منهم والاموات