الصدفه او الحظ .. اخيرا الحل النهائي لمشكله حذفه الستوقر 2000
 

بسم الله الرحمن الرحيم

عيدكم مبارك جميع اخواني اعضاء منتدي مكشات

قريت العديد من مواضيع الاخوان يشتكون من حذف الستوقر يسار او يمين بمسافه لا تقل عن 10 سنتمتر. ومرات كثيره وقفت ضدهم لكن بعد مابعت الستوقر اللي عندي وكنت مشتريها جديده بالكرتون اشتريت وحده ثانيه مستخدمه استخدام خفيف ومقبول اخت الجديده علي قولتهم بس للاسف كانت ناقصه قطعه والقطعه بسيطه جدا الستوقر يجي داخل الحاضن حلقتين او صفرتين او واشرين وحده عدله والثانيه مطعوجه او متمايله طبعا ماعجبني الوضع لان في فضاوه رهيبه بالحاضن اخذت الحلقه وطيران للصناعيه ماخليت وحلقه ماجربتها مافي نفس المقاس رحت للمخرطه وخرطنا نفس المقاس التكلفه 20 ريال فقط لا غير ركبتها وكانت النتيجه روعه جدا اختفت الفضاوه بس المفاجئه يوم طلعت ارمي القوقسي كانت معنا ستوقر يشتكي راعيها من الحذفه وشوزني ماشوف فيها حذف فقلت مافي فرق بينهم الا الحلقه اللي خرطتها فكيتها من شوزني وركبتها بشوزن خوينا هنا الابداع السعودي تحرك اختفت الحذفه وتعدل المرمي بنسبه عاليه من باب مايخفي العلم رجل به خير حبيت اعرض التجربه للاخوان وان شاء الله تزين امورهم اخرطو نفس مقاس الحلقه بالضبط وخلوهم حلقتين بدون طعج المطعوجه لا تركبونها وردوا لنا اذا نجحت معاكم ابو بندر. علي فكره الموضوع حصري لمكشات. وبحل اللي يبي ينقله