ابي علاج لدوار البحر ؟؟؟
 

السلام عليكم ورحمه الله وبركاته ... وكل عام وانتم بخير
اساتذتي حاب اطرح سؤال وابي الاجابه المجربه والمضمونه بدون اقتراحات لاني جربت كل شي مانفع وكل تجربه نخسر فيها 1500 ريال في 3 ساعات اللي هو دوار البحر ؟؟؟؟
خسرت فلوس كثير لطلعات اكثر من 12 ساعه ولا اكمل فيها اكثر من 3 ساعات بسبب واحد والا 2 من الشباب يتعبو ويخربو جو الرحله ونرجع على الرغم اني جربت :-
*طلعت فيهم وهم جواعا تعبو.
*اكلتهم حبوب دوار البحر برضو مانفع.
*اديتهم حبوب دوار البحر وحبوب غثيان ما نفع.
*ناس قالولي اللي يتعب يشرب شوي من البحر برضو مانفع.
*ناس قالولي اللي يتعب ينسدح يرتاح نفع مع بعض الشباب وبعضهم لا منسدح يصايح رجعوني.
*ناس قالولي طلعو الين يتعود ويشهد علي الله واحد نزلتو 5 مرات متتاليه زاد الوضع انحدار لانو يعشق البحر ويبي يتعود لكن مانفع وابشركم بطل البحر في الحلقه الاخيره من كثر ماتهجول على الفاضي.
على الرغم انو في شباب طلعو معاي ماتعبو وطلعو الاسبوع الثاني كان في شوي موج لا يذكر تعبو مرا وخربو الرحله وكرهو البحر ويافرحه ماتمت بهالقروب !!!
وبصراحه حتى لو تعب واحد وجلس ساكت ماهرج الرحله مالها طعم وفي واحد طايح تعبان ماغير يناظر بالساعه :( كم باقي كم باقي

فأرجو من اللي عنده حل مجرب ومضمون بعد الله انو مايبخل علينا وتكفون لا احد يقول يمكن والا روح جرب لان التجربه ذي تكلف 1200 _1500 عالفاضي ........ واسف على الاطاله

تحياتي...