منتدى استراحات زايد - شوف جشع و نصب التاجر حتى الونش ما سلم منهم!!!!

صبحكم/مساكم الله بالخير جميعاً,,,
يا إخوان حبيت أركب ونش على موتري لأن مثل ما شفت عند رياجيل مثلكم و شرواكم إن الونش فادهم كثييييراً في مواقف متعدده, رحت للسوق و شفت ونش أمريكي جديد يسحب 3ونص طن تقريباً و يقول أصلي و ما عليه كفاله بسعر450وشفت في السكراب "التشليح" لقيت ونش الجيش الأمريكي مستعمل و يشتغل على بطاريه 24فولت, لازم تحوله إلى 12فولت بسعر 150 و حالته50-60% و من غير كفاله و ونش لاند بسحب 3ونص طن مستعمل و حالته 60% ب170. ولقيت ونش صيني جديد يسحب 2طن فقط ب120 وأيضاً من غير كفاله. ولقيت ونش أسترالي جديد تجميع الصين بسحب 3ونص طن ب155تقريباً و من غير كفاله, و لقيت أمريكي رامسي Ramsay جديد يسحب 4ونص طن بسعر 600!!! والكل من غير سعر التركيب وهو 30 تقريباً, وكرهت كل الونشات بعد ما سمعة هالأسعار. لكن و أنا عالنت لقيت ونش نوع أمريكي و صناعة أمريكيه جديد يسحب 5ونص طن و عليه كفاله سنه و ضد الماء ولا بعد تطلبه و يوصل للبيت في خلال إسبوع إلى 14يوم... تخيلوا بكم؟؟؟!!! فقط ب130 تقريباً إذا ما كان أقل بشوي والأسعار كلها بالدينار الكويتي و إذا بالسعودي إظرب في 12, ولقيت بعض الونشات موجوده عندنا و عالنت و الفرق إن عندنا زياده 60-70%تقريباً و ما يضمنة لك بالرغم أن المصنع يعطيه كفاله عليه.... ولكن أقول حسبي الله و نعم الوكيل.