أنتقل الى رحمة الله العضو ابراهيم محمد الخوير التميمي

http://www.mekshat.com/vb/showthread.php?t=586599

مرثية ابراهيم محمد الخوير التميمي

ياللـه تصبرنا على مر الاقـدار ***وانــك ترضـينـا بحـكمٍٍ سبـقـنا

أمر القـدر محـدٍ يـردٌه ولـو جار***ولـونا دريـنـا كـان قـبـل إلتـفـتـنا

لكن نجـهل وش ورا سـود الاسوار***ومـا نـعـرف إلا ربنا هــو أملنـا

ومن حكمة الله بالبشر وضع الاكدار ***ومن شان يعظِم أجرنا لا صبرنا

فـي ليلـة الاثنيـن جـانا مـن اخبـار *** ابن خويـر افضى وفـيـه إنفـجعنا

أبـو مــحمد جاله الـموت مـختـار ***روحــه سمــت للخـالق وفارقتـنا

ياطيب روحك يالنقي يابن الاحرار ***يـاطــيـبها حـنـا عــليـها شـهدنــا

فـي علمـك الطـيب لنا خـير تذكار ***وفـي قلـبك اللـي حـبنا وامـتلكنـا

وافـعالك اللـي مايـلحق بـها عــار***وكـلك حشـيم وكـل مابـك حشمنـا

حـرٍ ربـيت بمـاكر العـز والـكار ***ويمـناك ماشـحت حشـى ماجحدنا

ياكم فزعت وكم تجرعت الامرار ***لـجل الخـوي ولـجلـنا يـا ثـكلنــا

مانسى كلامك او مزوحك والاعيار***والـضحكـه اللي تشتريهـا لجلنـا

اللـه يـبيحك يابـن خالـي بالاسـحار ***شهـرٍ فضـيل ويـاعســانا قبلـنا

ويـاللـه تـعوذ مـن تعـوذ مـن النـار ***قـبل يتـوفى دعوته هـي طلـبنا

وياجعل ربي ينزلك نـزل الأبرار ***والمـخلصيـن اللـي إلهي وعدنا

في جنة الفردوس تقطف بها ازهار ***وتقـر عيـنك بالاهـل لأجتمعنا

عز اللـه إن قلبي جبى هـم ماصار ***وعـز اللـه إن أقدامـنا ماقوتـنا

دمعـي أكـفـه لا يتـحـدر ويـنـهـار ***وعيني ألـده عـن من هو فقدنـا

صحيح وفى بالأجل شرع الأعمارِ ***لـكـنه اعـظـم حـي يبـقى لأمدنا

خلى أهلـهْ ومـن يـعـيشـون بالـدار***وأفضى إلى اللي من ترابه بدأنا

تحت التراب وصار للغـاليه جـار ***اللـي بفـرقـاهـا كـبرنـا وشـخـنـا

وحـزنـي بعـدها مـاتوصـفه الأشعار ***ونـبـث حـزن فـراقهـا لمن خلقنا

ولو الدموع تزيح مكنون الأغـوار***كان انبرينا من الدموع وهـلكـنا

لكـن نصـبر نحـمد اللـه لما إختـار ***ونطلـب مـنه يـرضى إلامن وفدنا

وعساي للجَمعـه بجـنات وأنــهار ***بارواحٍِ اشـتـقـنا لـها وانشـغـفنا

عهـدٍ لأزوره كـل مـادايـرٍ دار ***وحظـه كـثـيـر من الدعا لأبتهلنا

ودامه مجاور أعظم الناس لأختار***أجزل دعانا وأعظمه لا سجدنا

العيـد قـرب والـفـقد جـا ومااشـار ***وشلـون طـعمه بعدهم يا فـرجنا


للشاعر : ناصر محمد اللحيدان