منتدى استراحات زايد

السلام عليكم ورحمة الله وبركاته ..
الاخوة الاعزاء
عندي باترول ربع 95 كلبريتر سلق (حكومي) شريتة قبل 5 اشهر نظيف عزم .. صوت .. صفاوة
ومن اخذته اغير له زيت وسيفون كل 3000 كيلو وإذا نقص الزيت اكمله اول بأول ( ينقص في الألف كيلو علبة )قالولي طبيعي هذا النقص لأنه ما قد شفت منه دخان ابيض او ازرق الا بعض الدخان الأسود وهذا معروف انه بنزين او كربون .
في الآونة الأخيرة لاحظت بعض الأمور
1 - اذا مشيت مع طلوع مثل طلعت الشفا في الطائف في نصف الطلعة يصير فيه تنتيع في الموتر ( مثل النتعة اذا كانت السيارة معشقة وقربت توقف ولا دعست كلتش )الحالة هذه تصير والسيارة نشيطه مهي فترانة وتحتاج نمرة وحتى إذا اعطيتها نمرة اثقل برضه تنتع
2 - صار عندي شي غريب وانا ما شي مع طلعة طويلة ومظلمة ..نتعّة السيارة كالعادة ومع الظلام لاحظة مع النتعة ضوء مثل ضوء فلاش الكاميرا طلع من عند الكفر الامامي الأيسر !!!!!
قلت يمكن التماس رحت لأكثر من كهربائي كشفوا قالوا ما فيه اي التماس !!!
3 - بعد ما صارت النتعة هذه ( مع الطلوع ) صارت السيارة تطلع دخان ابيض وانا واقف يعني ادعس بنزين وانا واقف يطلع دخان ابيض كثييييف
وانا ماشي ما الاحظ انه يطلع دخان ..

ما معنى ذلك افيدوني الله يرحم والديكم