منتدى استراحات زايد - رحلتنا للمزرعه

هذا سلمكم الله كان فيه يوم جوه حلو الهواء يذعذع
والجوديم علينا :c:c
كان عندنا خالي من صبح جاينا وجدي عنده مزرعه تبعد حول الثلاثين كيلو عنا نشبنا في خالي ودنا للمزعه تكفى ومن هالكلام:)
قال ثوبي وصخ توني جاي من الغنم :( قلناابد عطنا ثوبك نص ساعه يجيك يبرق:D
والله ويعطينا ثوبه ونغسله ونكويه وانجهز عزبتنا ونركب بالموتر
اللي هوددسن غمارتين 81
وحنا منبسطين ونهيجن على الجو وبين المزارع والدرايش مفتوحه على الاخر;)
ونمر عند منقع ماي على الخط مدري مجاري اعزكم الله او ماصوره منفقعه المهم وخالي يتجاوزها وهومخفف وحنا عايشين جوانا نعبر بحر اوشلال الا هاك الهايلوكس 2009 اللي مصفي طبلونه :eek:
مار من جنبنا تخيلواعاد الشلال اللي جانا لدرجه اني صرت احس انا دخلنا بوسط الارض وغصنا بهالماي
وعينكم ماتشوف الا كلنا تغرقنا الا نقعنا من هالماي الوصخ والله اني اشوف التنده تنقط ماي على روسنا والتفت الااختي صغيره جنبي راسها يقوطر وامي تقول دخل في فمي الماي طعمه مالح :mad:وهات ياضحك
واشوف الاخالي اللي كاشخ لاهوغادي بني من الطين والماي
وعزبتنا تغرقت ورى بالحوض اول مادخلنا للمزرعه بدال مانكشت رحنا نسبح بالبركه وننظف ثيابنا مع ان الوقت كان برد السبوح يدوخ بس لازم ننظف عقب الماي والطين
هذا وسلامتكم