|
لاتامن الدنيا ولو كانت افراج .. الملك مادام لـ كبار المماليك السلام عليكم ورحمه الله وبركاته مبارك عليكم ماتبقى من الشهر الفضيل وهذي قصيده لي واتمنى ان تحوز على رضاكم× صارت هجوسي تصطفق مثل الامواج ونظمت لي معنى بفنن وتكتيك صغيرن سني على الطيب نهاج انهج ولا اخشى من كلام الصعاليك ياصاحبي سلطان منا لـ الافلاج يامرحبا من قلب صادق ويغليك عامين وفي صدري من الهم لج لاج لج لاج جعله مايجي في محانيك بعض العرب شوفه لنا طب وعلاج والبعض الاخر يمرضك ما يداويك لو كل منهو فـ الرجاجيل هداج كان العسر يخضع ومن ثم يرضيك ولو كل منهو فـ الغداري لنا سراج كان الهدف ماقد تعدى مراميك رافق خوين سالك الطيب منهاج وقت الشدايد يسندك مايخليك واحذر من اللي بالسواليف هراج يومن معك واليوم الاخر يعاديك واحذر تذل النفس لو كنت محتاج رزقك على اللي عالمن في خوافيك ولاتامن الدنيا ولو كانت افراج الملك مادام لـ كبار المماليك وختامها مني عدد كل من داج تحيتن من قلب صادق ويغليك وسلامتكم |
| الساعة الآن 05:40 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir