دلوني ع حل جزاكم الله خير .. هل يتغير السبايك مع الكارتير؟
 

السلام عليكم جميعا

ومساكم الله بالخير


عندي جيب لكزس 2002 نفس محرك vxr امس وانا رايح للخرج مسرع ارتفعت علي الحرارة لثلاث ارباع وحسيت بها بسبب ضعف للمحرك

ارخيت الدعسه وع طول رجعت الحرارة طبيعية والعزم مافيه اي خلاف ويوم وقفت اسمع صوت طق طق طق واضحه قوية اقوى من البلوف كان شي بينكسر

اضطريت ارجع عليه للرياض مشي لان معي عيالي وثبت السرعه ع 120 ولا استنكرت اي شي مع وجود الصوت

وديته للصناعية لورشتين قالوا لي ذراع البستم

المكينة وردة بمعنى الكلمة حرام اغيرها لاني لا اؤمن بالتوضيب

هل فيه حل اغيرها من جهة الكارتير ؟ سواء كانت ذراع بستم او سبيكه ؟

وبخصوص الصوت اذا هو ع الابنص تسمع واضح اذا دعست شوي وثبت الدعسه يروح بس ازيد يطلع الصوت

واذا كانت على وضعية n تكون ناعمه المكينة من حيث الاهتزاز ولكن اذا حطيته بوضع d وانا واقف يهتز هزه حليله ولكن بس ادعس تكون القيادة طبيعية مع وجود الصوت

ياليت تدلوني لاني متحسف ع المكينة ولا ابي الخساير

انتظركم لاهنتم لاني ماراح افكها الا بعد مشورتكم

جزاكم الله خير