|
شفر مصفح 1979 حكومي مخزن تابع لمصلحة المياه بحفر الباطن شد بلد ماشي 70 الف فقط السلام عليكم عندي ياخوان شفر مصفح موديل 1979 350 قير عادي من داخل بيج قزاز عادي تانكي واحد ماشي 70 الف مخزن الموتر ياخوان كان تابع لمصلحة المياه بحفر الباطن والحمدلله بويته بوية البلد ومكينته بلد لم تفك بفضل الله وقيره بلد بعد ماشاء الله تبارك الله استمارته وفحصه وتأمينه كلها جديده الحمدلله المكيف شغال ويبرد من احلى مايكون ماشاء الله تبارك الله هذي صورة الرقم الحكومي للسياره وهو 90/ج أتمنى يكون واضح لكم صورة استكر العارض حق الوكاله اللي يجي على الباب الايسر والصورة التالية تبين لكم وجود استكر الزيت وتعليمات الاستخدام الموجود داخل الكبوت فوق جسر الرديتر هنا الصوره تبين وجود استكر الوكاله اللي موجود على غطاء البنزين وهنا تبين صورة استكر الوكاله الموجود على الشماسه اللي هو تعليمات القياده وربط حزام الامان طبعا يندر وجودها وهذي صورة الكبوت توضح البوية الاساسيه للسياره ودليل على ان السياره ماجاه لا رش ولا معجون ابد شد بلد بفضل الله ملاحظة اخيره / الموتر ياخوان مغير كل شي فيه وبطنه مشدود كامل عند ورشة الحربي في الصناعية القديمة بالرياض وتم تغيير فيه الركب والمقصات والاذرعه واربع مساعدات امامية وخلفية والكليبرات الاماميه وجلد البدي وباكم فرامل وسويك جديد وشمعات امامية اصلية GM ووزن واشتغلت فيه اشياء كثيره والله ماتحضرني لكن فواتيرها موجوده والموتر ياشباب ممشاه طييييب بالحيل وقطعه وحده لاقرقعه ولا اصوات ماشاء الله واعذروني على الاطاله للاستفسار / 0501505870 أبو مبارك |
| الساعة الآن 12:58 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir