السلام عليكم
سوالف وقصص مقناص جمعتها لعل نستفيد منها ونقطع بها الوقت

هذي سالفة واحد من إخواننا بالإمارات
يقول هذي قصه حدثت لي وبوجود أخواني وربعي :

في يوم من الأيام كنا راحين نهد للطيور حمام علشان اللياقه وكان الوقت علينا العصر ..
وكان الجو بارد و أكثر من الرائع .. المهم هدينا الطير اﻻ‌ول وصاد وهدينا الطير الثاني وصاد وهدينا الطير الثالث وراغ الحمامه لين تعب ثم هدينا عليها طير ثاني عندنا ونوعه ( تبع وحش ايراني ) واسمه ( براق ) وهو اسرع واسبق طير عندنا في ذالك الموسم ...
المهم خالينا بالطير براق وكانت الحمامه واصله الخضيرا فوووووق السحاب والطير المهدود نزل لﻼ‌رض والمهم الطير طلب الحمامه وتوكل على الله وهو يرقى يرقى يرقى ليييييييين أخذ درجتها وعادلها إﻻ‌ والحمامه قامت تصرع وجنت ونحن نهلل ونكبر ويوم نزلت الحمامه شوي قام براق وشغل المكائن اﻷ‌حتياط ههههههه وصار جناحه ما ينشاف من سرعته ولحق الحمامه لحقها لحقها وضربها وأملقت منه ويلحقها مره ثانيه وتملق منه وهي تنزل لﻼ‌رض ومن بعدها اختفى الطير والحمامه عن أنظارنا والسبب أن الطير والحمامه أتجهن غرب على القبله وكانت الشمس قريب ما تنزل مما أختلط علينا الشوف ولكن ما كنا خايفين ﻻ‌ن الطير فيه ريشه الجهاز وما منه خوف ههههههههه طبعا هذا ما كنا نعتقده ولكن أكتشفنا ان براق هديناه بدون ريشه وهذا من اﻻ‌ستعجال ...
وأنتوا تعرفون شعور راعي الطير في هذا الوقت ( الله يكون في عونه ) هههههه المهم أتجهنا صوب ما نتوقع انه صايد ودورناه لين جاء وقت الصﻼ‌ه وما لقيناه لﻼ‌سف ثم تشاورنا مع الربع واتفقنا أن نصلي صﻼ‌ة المغرب وبعدين نروح للبيت ونرجع ندوره الفجر ووافق الجميع على الشور العدل ...
وطبعا راح كل واحد لحاله علشان يتوضون ويتجهزون للصﻼ‌ة وكان معنا اخوي (عمر ابوحمد) والصدفه والمنظر الغريب والعجيب أنه وهو جالس يتوضى سمع صوت أمامه ولكنه ما يقدر يشوفه بالضبط وش هوه .. ثم خلص الوضوء وراح يمشي باتجاه الصوت ثم كانت الصدفه وهي أن براق جالس يتعشى من الحمامه ههههههه يا سبحان الله والغريب في الموضوع ان اخوي ابوحمد هو صاحب الشور أن نتوقف للصﻼ‌ة ونترك الطير لباكر ( والحمد لله ) وهذي نعمه ودرس من الله بعدم ترك الصﻼ‌ه مهما تكن الظروف .

المهم تأخر علينا ابوحمد وقمنا ونهمناه علشان نصلي جماعه ونحن ننتظر وإﻻ‌ وهو جاي وجايب الطير براق معاه وكانت فرحتنا كلنا ﻻ‌ توصف وخاصه راعي الطير ,,, ثم ربطنا الطير وحطيناه على الوكر وخليناه يتعشى وصلينا المغرب ونزلنا( المعمل) وعدلنا الشاي والقهوه وجلسنا نسولف ونضحك ونتذكر الهدد ثم رجعنا للبيت .

( هذه القصه حدثت في سنة 1999 م )


( أنتهت )

السالفه الثانيه سالفه ابوسرحان

يقول هذي سالفه صارت معنا العام الماضي في منطقه غرب الرياض وكان معنا طيرين مثلوث اشقر وفرخ شياهين وحصلنا كراوين وهدينا×
وانبسطنا و حصلنا بطه ( نحم) وصراحه اول مره اشوف بطه بهذي السرعه المهم ونهد قراش المثلوث وكان فيه ريشه ويطردها
مسافة كيلوين ونص اوثﻼ‌ثه ونضيعه وكانت اﻻ‌رض مشجار وﻻ‌تقدر تميز الطير بسهوله ونشغل الجهاز ويعطينا نغمه بعيده وكانت الشمس على×
وشك تغيب وحزة وصلنا الطير اﻻ‌ الطير طارحها وينسر منها ويتلفت كن وده يطير وينزل عليه واحد من الشباب ويطير الحين كان فيك خير ادعه×
الشمس غايبه والطير شبعان المهم شار عينا واحد انخليه عشان مايبعد ومن اصبح افلح والليل برد والطير بيصرف والصباح نفك له حمامه×
وندعيه او نهد الشيهانه ونعلفها واذا شافها راح يجي _ راعي الطير ذيك الليله مانام ساعه يهوجس وساعه يقصد واذكر من اﻻ‌بيات
ياحسبي الله على النحم وساعتها * * * * قفت بقراش تالي عصير واخفيته
يروع قلبي يابوسرحان سرعتها* * * * روح وراها صاد وشبع ماجيته
رحنا ندور الى جينا لحروتها * * * * طار وتنكر ياليت الفرخ هديته×
وكان يقصد فرخ الشياهين
وفي الصباح شغلنا الجهاز ودعيناه وكان ممرح على شبك وطرحناه وكانت فرحت خوينا ﻻ‌توصف وكان واعدنا اذا رجع طيره يغدينا ذبيحه×

5/7/1427×


( أنتهت )

وهذي سالفه يقول فيها الراوي إنها لواحد من شيبانهم يقول إن الشايب يدري اني صقار وقام ينشدني كيف وكيف وكيف وصلنا كيف نصيد الطير
واروح يم الموتر واخذ الشبكة واخذ الحمامه واوريه كيف نركبها في ظهر الحمامه واعلمه طرق ثانيه قال ودني معك يم محﻼ‌ت الطيور واوديه ويعاين الطيور ويشوف ذا وذا وش نوع ذا المهم شاف عندهم شبايك ( شبكة) وقال هات هاذي ويأخذ خمس ويشوفله وكري طيب مزيون قال يبوك ذا بكم قالت حول اﻻ‌للفين (2000) قال ايه؟؟؟؟×
المهم بعد معرف كيف يركب الشبكة وكذا راح وهو عنده حﻼ‌ل غنم وابل قعد قط له فتره اسبوع اسبوعين ذاك اليوم انا طالع معي طيوري من البيت رايح ادعي اﻻ‌ ذاك ابوسلطان الشايب الي يتعلم الصقاره اﻻ‌ هو لفله شيء بغترته ما توقعت انه طير قلت احتمال شبوط واﻻ‌ عقاب واقلطه المجلس تفضل الله حيه بدون ما انتبه رحت اجيب القهوه والما الشايب عطشان اﻻ‌ قال وين السبوق والبرقع وين الوكر وين اغراض الطير قلتله اصبر تقهو واشرب الما وفيها حﻼ‌ل يحلها قلت لصبي اخوي الصغير فيه بدرج الجيب سبوق جبها وبرقع على القير جبه ويروح الصبي ويجيب اﻻ‌غراض×
قلت وين الطير قال سم هاذا الطير قلت اشوف اﻻ‌ وذاك الوكري الي يشبه الوكري الي عند محﻼ‌ت الطيور الي سال بكم×
قلتله من وين صايده قال هاذا له فتره عند الحﻼ‌ل ياكل من الحمام واليوم الصباح شبكته قلت زين هاذا اول الفال زين زين
قلت تبيه واﻻ‌ ابيعه قال ابيه قلت ياعم الطير بشقلك معه وانا بشتريلك بقيمته طير وابيعه 1500 ﻻ‌ن طيب ويستاهل 2000 وازود من عندي 1000 واشريله حر مثلوث صايد الكروين والحمام سلم بس ان عمره قرناس رابع وراكد وراااااااااااااااااااااااااكد لبعد درجه والى الحين الطير معه وهو يقنص فيه قلت جبه نقيضه قال ﻻ‌ انت سو لي مقيض عند الحﻼ‌ل واسويله مقيض وياز ينها من قرنسه ريشه ما بقى غيرالموس من كل جناح×
جايه انا قبل اسبوعين والحين يمكن حذف وﻻ‌ فيه وﻻ‌ مرض الى الحين لنه مقيض طياار ومحافظ على الطير محافظ مهو طبيعي يجيب للطير علف قبل العمال الي عنده لدرجة ان عامل يقولي هاذا ما فيه جيب اكل سيمسيم اول بس هاذا جيب اكل طير×
وانتهة السالفه×

وسلامتكم