منتدى استراحات زايد - حكمة أبو قعيد

السلام عليكم ورحمة الله وبركاته
أسعد الله أوقاتكم بكل خير

حياكم الله مشرفينا الكرام
هلا ومرحبا بكم اخواني واخواتي المكشاتيه

حكمه سمعتها من جدي أبو قعيد رحمة الله عليه وعلى موتانا وموتى المسلمين أجمين
سمعته وهو يفول حق وأحد من أخواني انتبه من ( الشوك ) مهم كان صغير ولا تستهين فيه
طبعا جدي رحمة الله عليه كان من وراء كلمة مغزا
وأخوي زين منه أنه استفسر وشو يقصد بالشوك لو كان الشوك العادي مايجي منه غير الوجع فتره ويروحه

الشوك وما أدراك بالشوك

قال أبوقعيد وانا أبوك ماهو الشوك الي يصيبك من الشجر
أنا أقصد الشوك الي يصيبك من البشر
كلمة الشوك تتكون من ثلاث أحرف
الشين / أقصد فيها وأنا أبوك لالالالالالا تشارك أحد مهم كان قريب ولا بعيد ترى تزين فالبدايه وبعدها تشين
الواو / أقصد فيها لالالالالالا تتوسط حق أي شخص حتى لو كان عزيز عليك
الكاف / أقصد فيها لالالالالا تكفل ولا وأحد حتى لو كان أقرب الناس لك

ترى الدنيا هذا الأيام مالها أمان حتى الواحد يخاف من ظله

لوكان الزمن مثل زمنى حتى لو كان العهد أو الاتفاق بس بكلمه لا معها ورقه ولا شهود الواحد يأمن ويطمئن
لانه مابه غدر ولا خذلان ولا الطعن بالظهر
الحمدلله على كل حال

بس مثل ماقالت لك وصيتك وأنا أبوك أنتبه من الشوك

تقبلوا تحياتي