الضحيه ام قرون
 

سلام الله عليكم
كيف حالكم
ببدأبقصه صارت لنا يومني صغيره
في عيد ألاضحى تكون هناك الاضحيه وهي مايقدم للاحياء او الاموات عسى الله يقبلها وعشان يذبحها ابوي بدري يجيبها قبل العيد بيوم ويربطها بالتهويه عشان عقب الصلاه مباشره يمصع رقبتها عاد الضحيه لانها تقدم لله يجتهدون في اختيارها من حيث الحجم واللسلامه وعاد فيه خزعبله انها تشيل الميت بقرونها وعشان كذا جاب ابوي خروف كل قرن نص مترلانها لوالدينه
واربطه بالسور عاد نجد قلبها رهيف مابقى تمر ولاخس ولاخبزولاماي في بيتنا الاعطيتها ذالخروف :D
يوم جاالصبح الاابوي جاي وقال سوو طريق وندخل ونوايق مع الدريشه بنشوف من اللي مع ابوي ودخل ابوي واشوي الاهاك الكرش اللي دخل قبل راعيه ونطالع الاهو صعيدي شايب شكله مليص والابناي بس بالعيد كلن معه سكين وساطور ويذبح ويصلخ
دخل وراح وغير جلابيته وطلع علينا لابس فانيله علاقي وسروال رياضه للركبه ازرق فيه خطين على الجنب بيض والفانيله يالله مغطيه نص الكرش الله لايبلانا وين بيذبح ذا يبيله فيل يذبحه
المهم جاابوي يبي يفك الخروف ولاهوغادي عفريت من الجن يشيل ويوقع ويرفع غزاله :D
ويسحك برجيله وكنه حاس بالموت وقال ياذابح يامذبوح
والا بينه وبين المصري ثار ماندري:p
المهم بعد مصارعه وكر وفر فك ابوي الحبل الاالخروف مغط رجله ومتوجه على كرشه المصري ودرررردب في المصري الصدمه شطافيه جت على الجنب الا المصري مفتر كم لفه ياابن الموكوسه :D
ويروح الخروف عاد حنا حوش بيتنا كبير يكفي موترين بالراحه
وياخذ لفه ويستجمع قواه وحنا نطل من الدريشه الاابوي مسوي نفسه هوق هوغن جاي ومنشن على الخروف اناشفت الخروف يسحق برجله وهذا علامة الهجوم ويجي ابوي طاير والخروف طاااير ويبي يمسكه مع قرونه الا درررردب نجر ابوي في بطنه لاابوي طايح مهب طيب :( قال ابوي وشبلاه اليوم امس يمشي وشزينه واليوم هايج علينا بلاه من الجوع يمشي واليوم نجد معبتن بطنه وتنشط :good2:وابوي مايدري اني مفوله بطنه تففويل

المهم فوقنا مستأجر من اهل الجنوب طوووووويل القامه سمع النجر والصراخ ونزل الله يجزاه خير يفزع لابوي والمصري شلبي اللي ماسوت عليه الفلوس تكسرت ضلوعه من الخروف وابوي ماعين خير من الضربه لخروف واشوي الاوجارنا حده واشوي الاهوساحبه بكراعه وذبحوه وخلص على خير
قال ابوي توبه اشتري خروف بقرون هالكبر عفجنا وكسرنا
وتمت بخير