قصتي و لما غبنتوني ياللي هنا ....... و رجاء لا تحذفون الموضوع السلام على الجميع و كلن و حاله و عساه بخير أدخل فالموضوع طوالي كنت مع شلة شباب شرواكم و على دكة طيبه و بعد العشا إلا أسمع الصغار يحذفون و يقولون كلب كلب جيت أختبر الموقف و قرعت الصغار لما شفته كلب و ليس أي كلب بل لما أقبلت عليه عرفت انه سلوقي و سويت له حركات بحيث ما يهرب مني و ربض بعد حرك ذيله و نزل راسه و أمسكه و أربطه قرب خزان الما و أعطيه من عشانا جبن و قشطه بعدين لما راحوا الشباب قلت باروح أجيب له دجاجه و طبختها و أعطيته مرقها و نص منها و أكل منها و شبع و بعدها أسدحها و أحلى نومه و من أصبحت رحت للعزب اللي حولي و قلت لهم عن أي شي ضايع منكم البارح و بعد ما فريت على كذا عزبه إلا و أنشد رجال و قلت له في شي ضايع منك البارح والا فالايام الماضيه و قال إي و قال لي انه سلوقي و مواصفاته كذا و كذا عرفت أنه هو و ثم رديته له و قال عندي أربع و شفها مربوطه كلها ما عدا هذا فلت منه الرباط و سرى و الله جابه منك يالولد السموح و تخير من اللي بخاطرك فقلت خاطرك زان و خاطري طيب و لا أريد إلا سلامتكــ الرجال من شفت سيارته و من الشيبان اللي معه عرفته راعي صيد و ما حبيت آخذ منه شي بس أنتم غبنتوني و غبنتوا غيري و بإذن الله أحصل لي واحد من سلقانكم و أبشروا بي و النحشه ;) |
الساعة الآن 02:03 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir