أشياء تهمنا وااايد
 

مانحس ولا نعرف قيمة الأشياء الا لما نفقدها اول ها لأشياء الناس اللي حواليك في مرات ناس حوالينا وعايشين بينا ما يحصلون منا أي اهتمام ومرات نشل عليهم ونقاطعهم لأي سبب تافه ويوم الله يأخذ أمانته ويفارقونا ونعرف انه مابنشوفهم أبدا ذيك الساعه كل أحاسيس الألم والحسرة والندم راح تعتريك والأمر من هذا كله الجرح اللي راح يتركه فراقه واللي راح يلازمك طول عمرك راح تشتاق له وحتى من كثرة الشوق تتمنى حتى لو تشوفه في حلمك
وثاني ها لأشياء الفرص وفعلا اللي قال الفرصة ما تجي الا مره وحده والشاطر اللي يستغلها
في ناس يكونون في امس الحاجه لفرصه تنتشلهم من الوضع اللي يكونون هم فيه ويوم تجي لغاية عندهم مايتشبثون فيها ويقولون نريد الأحسن وخيرها في غيرها طيب يا خوي أمسك في هذي لغاية ماتجيك اللي احسن ولا زم تقعد بعدين متحسر وتندب حظك
وثالث ها لأشياء البنت الله يهديها يخطبونها واجدين وكل واحد تطلع فيه عيب وترفضه لان ما يناسب طموحها ويوم تعدي الثلاثين يطيح حظها ومحد يدق بابها وتقول لك بعدين نصيب صح نصيب لكن ليش مب بعد سوء تصرف
الأشياء وايد لو اجلس أعددها بسوي مجلد وأنا اخترت ها لثلاث لانها شائعة الانتشار ولأنها مسويه ازمه