منتدى استراحات زايد - زفة العروس بأيام الماضي

[center]ا
[COLOR="Blue"]السلام عليكم ورحمة الله وبركاته
حيا الله مشرفينا الأفاضل
يا هلا بأخواني وأخواتي المكشاتيه وزوار خيمتنا الغاليه

بعد ما قريته سواليف أختي قوافي عن العروس الأولين

تذكرته سالفة قالتها لي جدتي أم قعيد الله يحفظها لنا
عن طريقته الخطبة في أيامهم كانت أذا جاء نصيب البنت فيهم
ويسألونها أذا كانت موافقة أو لا ،، أو بالأصح ما هو سؤال بس يعطونها خبر أنها بتعرس
لأنا البنت أذا قالت لا
يمسكون أصبعها الإبهام أو أي أصبع ويرجعونه على وراء الين ما توافق على المعرس

المهم مالكم بالطويلة
كان جدي رحمة الله عليه هو إلي يشيل العروس بزُليه (سجاده أو فرشه )
ويدخلها على المعرس

عاد يعتمد على العروس كم من رجاجيل يزفها على المعرس
أذا كانت راضيه مثل جدتي يشيلها واحد أو اثنين
أما بعض البنات على أيامها
تقول وحده فيهم ماتبي يشلونها وعشان تعجز الرجاجيل رابطه نفسها بقلة التمر
عشان تصير ثقيله أكثر ولا أحد يقوى يشيلها
بس الله يرحمهم ثمان رجاجيل شلوها هي مع قلتها
ودخلوها على المعرس هي كلها دبس من أثر القله
هههههههههههههههههه
وفيه وحده من الحريم قالت لي أمي دوروها أهلها مالقوها عشان يزفونها على المعرس
لكن مع البحث المطول لقوها متسلقه ( راقيه ) على أطول النخله بالنخل (المزرعه)
هههههههههههههههههههه
المهم لقوها ونزلوها بعد جهد وزفوها على المعرس
بغبرتها

ما قول غير الله يرحمهم الميت منهم ويطول بعمر الحي منهم

عاد هذا جزء من سواليف جدتي أم قعيد عن العرس بأيام زمانهم
زين أني أخذته منها كم معلومه لآنها تستحي تحتس

تقبلوا تحياتي
[/COLOR]
[/center
]