|
طرمبة البنزين عيت تركب + العزم ضعيف السلام عليكم ورحمة الله وبركاتة السيارة جمس 93 حجم2500 حوض دبل ارضي قير تماتيك المكينة 350 عليها كفرات بوالين ثمانية غاط وشنابر أحس عزمها ضعيف غيرت بواجي واسلاك بواجي وزنت الديلكو نظفت الحلابات البخاخات اخيراً جيت ابغير الطرمبة رحت لمحل قطع غيار وكالة قلت عطني طرمبة لمكينة 350 قال خذ حقت مكينة 454 احسن واقوى قلت تركب قال تركب مافية مشكلة سئلت كهربجي قال تركب ماعندك مشكلة وفية بعد طرمبة فكسار ركبها احسن توكلت على الله وشريت طرمبة 454 وركبها بس ماضبطت السيارها تتفتف وتطفى ودخان اسود كثيف قالي عيت تركب مالك الا ترجع الطرمبة وتشتري حقت فكسار راعي القطع رفض يرجعها وخذيت فكسار ورجعت لة نفس المشكلة واتناشب انا والكهربجي قلت البلا فيك انت خسرتني 600 على الفاضي المهم قالي المشكلة في موترك رحت فحصت علية كلهم يقولون سليم ورجعت على الطرمبة الاولة حقت الوكالة رحت لواحد سعودي حق تزويد قلت اركب شف العزم مزبوط ولا لا قالي موترك مكينة صافية وكهرب مافية مشكلة يمكن عندك القير حساسات ولا كلتشات وديتة لكذا محل حق قيور يقولون سليم أخر حل وديتة ليمني دكتور جموس خاصة القديمة وركب وجرب الجمس وقال بسم الله ماشاء الله جمسك مامر علي في نظافتة و تماسكة وعزمة طيب وقيرة سليم مية بالمية قلت والعزم قال هذا عزمة الطبيعي موترك ثقيل وفوق هذا كفرات بوالين وموترك ماتمرنت مكينتة لانة مخزن ماشي 130 الف فقط تابع للحرس الوطني ولا ادري وش رايكم وش تنصحون |
| الساعة الآن 05:00 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir