شفت لي جول من العرق للفيضه نزل .. السلام عليكم ورحمة الله وبركاته قصيده رائعه للشاعر الكبير عبدالله الطلحلي حن قلبــي حن شـــاصٍ معشـق بالدبـل ,,,,,,,,,,طالـــعٍ لــه في جبـل والحمــولـة زايــده الدبــل مشــبوك والقيــــر الأول مافصـل ,,,,,,,,,,حن من جـــور الحمــولة وطلعـــة كايـده ســــايقه مايبصــر الـدرب قــدام العجـل ,,,,,,,,,,غير يســبر له مــع البـاب يـوم يحـــايـده في يســاره حفرة الموت ويمينـه جبـــل ,,,,,,,,,,حرقت اعصابه ويبست على الطـاره يده يوم حن القلب ماحن من شـيٍ ســهـل ,,,,,,,,,,فرصــةٍ لاهـي تهيّــت ولاهـي عايــــده شفت لي جولٍ من العرق للفيضة نــزل ,,,,,,,,,,جول صيدٍ حِيــل دونـه وقلبـــي رايــــده في طرف محميّة الصيد يمشي بالمهـل ,,,,,,,,,,واثق إنه من ورى الســور محــدٍ صايـده مــر من قـــدام عينـي وعـــدا ماجفــل ,,,,,,,,,,تابعتــــه العيــــن وتعلـقـت بالقــــايـده واعذل القلب المشـقى ولاطـاع العـذل ,,,,,,,,,,كيف مــرت فرصــة العيـــد دون معايـده إن نزلنــا داخل الســور مـوتٍ محتمـــل ,,,,,,,,,,وإن نظرنا من ورى السـور ويش الفايد |
الساعة الآن 04:52 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir