|
{ ترتوي بك روح وعيون وضلوع كنك لـ أجمل اشيائي حياة } السلام عليكم ورحمة الله وبركاته علومكم عساكم طيبين بس انا انسـانه يديه عندكم وحبيت انقل روايتي } ترتوي بك روح وعيون وضلوع كنك لـ أجمل اشيائي حياة { واتمنى تعجبكم :Afk_r: واذا في اي حد حاب ينقلها لمنتدى ثاني ما عندي مانع بس حطو نكي (bntAhmad) واتمنى محد يرد لين عقب البارت الاول واتمنى احصل حماس :خ8: ومشكورين |
وابتدينـا (البـارت الأول بس تعريف ع الشخصيات) ام حميـد :ياربييي من هل بـنات طفروبيي نشوو نشوو اليووم الجمععه يدتكم بتتنازع نشو اقولكم عليـا: امايه دخيلجج 10 دقايق 10 دقايق بس *وهي تتغطى بالوساده* حمده:امايه والله تعبانهه خلوني انخمدد موزة نشت بدون اي كلام سارت تسبح نروح لغرفة ثانيه زايد:اييه حميدوهه ابوي بيتنازع ما بقى شي ع صلاة الجمععه يالهرمم نشش حميد:خلاص نشيت نشت انت اسبقني وانا بلحققك زايد:لاتبطي اترياك حميد سار ياخذ له شور ستوووبب بعرفككم ع العائلة الكريممة ابو حميد (حمدان):ريال محترمم وراعي فلوسس وله سمعه بين الناس و مب مقصرر ع عياله بشي بس وقت الجد جد و مايرضى بلغلط عمره 46 ام حميد(حصه):حرممه جميله لانها بعدها صغيره عمرها 39 متعلمه ودارسه وتفهمم ف كل شيي وعصبية ساعات بس ترا قلبهاا طيييب و حبوبه حميد :البجرر معضل واسمراني بس سماره يجنن عنده غمازات وطويل وعمره 22 وخشمه سيف و عيونه وساع وسوده بالمعنى جميل ومايحبب حد يغلط عليه ولا يرفع صوته عليه وخريشش وفيه ملامح من امه حمدة:جميله ع امها طويلة و ضعيفه مش ضعيفه ذاك الضعف بس جسمها زين وشعرها لين نص ظهرها واسوود وعيوونهها وسسااع وكبيره وحساسه وايد من اي شي تصيح وتتضايق بس معا هاذا حبوبه وطيوبه وعمرها 20 زايد و موزة : هايل توأم الي يشووففهم مايفرقق من بينهمم يتشابهون وايد بس يفرقون لان مواز بنت وزيود ولد موزة قصيره لاكن مش وايد وضعيفهه سلقق وشعرها قصير لين كتفها وهادييه وايد بس ويا بنات عماتها وعمامها خريشش وزايد طويل بس بعددد سلققق وشعره طويل لاكن ناعمم وايد و مركب تقويم و عنده غمازه وحده ع الخد اليمين بس عصبي درجة أوله يعني لا تقربونه لما يعصبب ومايحبب الدلع والمياعه الزايده وهيه اعمارهم 18 عليـا:هاي اخر العنقود وجي كل البيت يحبها ام لسان شعرها طويل لين تحت ظهرها و جسمها حلو شرا اختها حمده وتحبب حميد اخوهاا واييد ومتعلقه فيه بجنون واي شي تباه عندها بس مشكلتها ام لسان ماتسكت عن حقها ابدن ومافيها ملامح من ابوها غير عنهم كلهم على امهم الا هي ع ابوها وبجي عرفناكم ع العالة الكريمة نرجعع لأبطالنا الكـل قام يتزهبب والريايل رجعو من المسيد و بعدها انطلقو ل بيت اليده بيت ام ابو حميد و وصلو دخلو قوم بو حميد بو حميد السلام عليكم اليده : هلا هلا والله هلا بعيالي اقربو اقربو بو حميد يبوس راسها : تسلمين يالغالية و دخلو الكل يسم عليها ويبوس راسها عليا: عيل وينن قوم عمي خالد اليده :عادهم ما يو شوي وايون بو هزاع:السلام عليكم اليده:هاذوهم يو وقام الكل يسلم وعلى هل موال لين ما اجتمعع الكل بعرفكم ع قوم بو هزاع ابو هزاع : البجر بين اخوانه عصبي و مدلع عياله بس بعد مشش عليهم عمره 49 ام هزاع : طيوبه حيل و كل شي يبونه عيالها ولا غيرهم تسويه ومعيشه عيالها ب سعاده وتحبهم حيل وماترضى عليهم و لو حد قال شي عنهم تتضايق هزاع : هاذا ربيعع حميد الروح بالروحح ونفسس حميد بس هاذا شعره طويل و ابيض وراعي حركات عمره 22 بعد سيف :هاذا يدرس برعع ف كندا وطويل وضعيفف سلقق و ابيضاني بعد لاكن هادي حيل وايد هادي ماله ف سوالف الشباب هل ايام وعفسه وعمره 20 حفصه:هاي اخر العنقودد ومدلععه عند البيت كله ومتينه شوي بس جسمها حلو و طويلة ف عسبت جي المتن مايبين فيها وايد وشعرها قصيرر واسسود وعيونهاا صغيره شرا الكوريين وخشمها سلة عمرها 19 ونروحح حق عايلة بوصقرر ابو صقر :ريال بعده شباب عمره 40 و يشتغل ف شركة ابوه وريال مدلع عياله اخر دلع مب مخلي عليهمم قاصر بس عيبه شي واحد وايد شديدد عليهمم وكلمته تمشي محد يثنيها ولايقدر يكسرها ام صقر : حرمه حليوه لانه بعدها شباب وعمرها 36 وطيبه حيل ويا عيالها صقر : البجر ماعنده غير اخت وحده وعسبت جي هو وايد ويا زايد و علييه جسمم خبالل وبرونززي وشعرره طويل وناعمم طويل وخريشش ومايهمه شي همه وناسته بس شما : وايد ويا حمدهه جنهمم توأم ويحبون بعض ومتعلقين ف بعض وايد وشما قصيره و جسمها حلو وزين و عيونها كبيره و وسيعه و عليها حركاات مهبلل عمرها 19 |
حلوه البداية بس بعدنج مااوضحتي لنا شي واتمنى انها تكوون واايد حلوه |
حلوه البدايه وعليوه كم عمرها م قلتي لنا ونتريا بارت ال2 |
نبتديي روايتنا صقرر دخل الميلسس بكلل هيبهه وسللم و يلسس حتى ما عبر حد حميد:صقور الهرم اونك تتغلى شو صقرر يحط ريل ع ريل : احم يحق لي هزاع:تعال بس تعال زايد :هاه اشوفك تتكبر علينا قم اشوف تعال صقر:عشان خاطر زيدان بس زايد:اييه شو زيدان ريال انا شطول شعرض اسمي زايد زاي الف ياء دال حميد:اندوكممم اشتغللت فلشفت ززيوود هزاع:بسكم عاد انا ملان صقر:والله كلنا ملانين زايد:انا ابا اروح بوظبي شو رايكم صقر:وياك هزاع:يلا وياكم بعد شو حميد:يلا عيل بس بعد الغدا عسب يدوه ماتتنازع عقب ابو هزاع وابو حميد و ابو صقر يرمسون عن الشركه وجي صوب الحريم والبنـات عليا تزاعقق: انــاا يوعاننه يلا عادد ماصارت غداا امايهه ام حميد:امفف عليج يدام الحريم و يدتج تصرخين سكتي شما:هيه والله ياخي يواعه صرنا موزة:انا عن نفسي بموتت يوعع مب ماكله شي من قمت حفصه:انا بسير اجوف الغدا حمده:يلا انا يايه وياج عليا:ايه مابتطلعون اليوم شما:وين الله يخليج اليوم جمعه والشباب طبعا بيطلعون منو بيطلعنا موزة:خاطري اطلعع انا ياخخي شو هاه عليا:كلمو عفور و مهوي ايون عندنا لو ماطلعنا موزة:هيه والله شما:خلاص بنتريا حمدوه وجي عسبت هي الي عندها ارقامهم حمده:اسممع اسمي حفوص :يلا غداا ياحلوينن وبعدها قام الكل يتغدى نخليهم يتغدون نروح لمكان ثانيي حصه:والي يقول لك مابطلعع لين ما تطلعع امك من البيت مايد:ياحرمه كيف اطلعها كيف وين تروح حصه:مايخصني دبرها مايد:امي هاي وين تبيني اوديها حصه بصراخ:قلت لك مابها هني تفهم ولا لا مايد خلاص اوكي اوكي حصه :ياله احين اطلع برمس فون طلع مايد حصه بدلع:هلا حبيبي .....:هلا حصوتي حصه:شحالك ......:تمام دامني سمعت هل صوت حصه بمياعه تضحك .....:بس عاد ما اروم ع هاه كله حصه:استحي بس عاد ......:فديت المستحي انزين حبيبي ابا اشوفج حصه:متى .....:مدري باجر عسبت ادبرين امورج حصه:خلاص اوك باجر ......:اترياج قلبي يلا احين انا رايح ويا الشباب ببكلمج عقب حصه:خلاص اوكي تيك كير .....:وانتي بعد طوط طوط طوط نرجع حق ابطالنا خلصو غدا وكل شي الكل متيمع ف الصاله من حريم وريايل صقور:يلا شباب مشينا ام صقر:ع وين اميه صقر :بنطلع فديتج البنات شوي ويصيحون زايد ناقع ضحكك حميد وزاخ ضحكته :بلاها ويوهكم جيي هزاع :اكيد يبون يطلعون حفوص :هيه نبا نطلع صقر :منو بيطلعكم ان شاء الله عليا:انتو زايد:نحن مروحين بوظبي طال عمرج حمده:انزين باجر طلعونا دخيلكم ابوهزاع:حرام عليكم طلعو خوكم باجر هزاع:على هل خشمم حميد:الشيخ بو هزاع رمسس نطلعهم ليش ما نطلعهم ابوحميد:مساكين الدريول مسافر بعد ولاجان خليته يطلعكم ام حميد:هيه والله محتاجينه هل دريول ابو صقر:خلكم شرا ام صقر تعلمو السواقه ام هزاع : انا عن نفسي مافيني حيل حق السواقه ام صقر :هيه ياختي السواقه متعبه وايد صقور :يلا نحن مروحين حد يبا شي الكل سلامتكم وطلعو الشباب عليا بنات سرينا فوق البنـات:يلا وروحو فوق شمـا:حميده دقي ع عفور مهور ايون عندنا حمدا:اول شي اسمي حمده شما:خلاص اسفه بس دقي كلميهم الكل : هيه هيه دقي حمده:انزين انزين وتشل فونها مهوي:هلا هلا بطش والرش والماي الي مدري شو ف الغرشش حمده:ههههه شحالج خبلتنا مهوي :تمام عاقلتنا انتي شحالج حمده:تمام والله سمعي بقولج من الاخر مهوي:وابوي شي صاير وياج اختي حمده:لافديتج بس بغيتج انتي واختج اتيون عندنا مهوي:بيت يدتج ؟ حمده:هيه بروحنا ملانين مهوي :خلاص تم بعد صلاة المغرب نحن عندكم حمده:عن الحركات بيتكم ورا بيت يدوه شحقا ورا صلاة المغرب تعالو ع الساعه 5 جي مهوي :زين خلاص حمده:بييون قومو نزهب المكان عليا:انا بسير ويا ابويه الجمعيه اخذ جبسات وهل سوالف حفصه وشما : نحن بني وياج شما:عمي روح بخلي اميه تودينا عليا:سيري رمسيها وخبرينا عسب نلبس عبينا شما راحت وردت شما:بسرعه هاه عسبت ماتتنازع اميي و جي بنكون خلصنا البارت ادري ثصير بس شسوي مشغله اعذورني والله اسفه كل مايكتمل البارت وحسيته اوكي بنزله و عليا بما اني ما قلت عمرهاف عمرها 17 |
| الساعة الآن 10:11 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir