لوخسارة راحوا الطيبيني...وكل شي طيب شد معهم رحالة
 

بديت باسم الله وبة استعيني
الواحد اللي كل حيا يسالة.
ومن بعد ذكر الله عندي يقين
بفزعتة لكل من هو لجالة.
واللي يقول اللي يبيني يجيني من
تغير احوالة ولا احد عنالة.
لوخسارة راحوا الطيبيني
وكل شي طيب شد معهم رحالة.
وصار الخلف مع الاسف خايبيني
الزين راح وﻻبقى الا الحثالة.
هذا زمان شين والوضع شيني
والشين مع الشين صعب احتمالة.
زمان فية المكر نصرا مبيني
والصدق والاخلاص ماهو مجالة.
بة الاخو لاخوة ينصب كميني
وبة الولد ماينشد عن خوالة.
وبة القلوب القاسية ماتليني
و بة الابو يمكن يخلي عيالة.
وحتى الخلوج الي هراها الحنيني
شافت وعافت واستضافت بدالة.
وبة الخيانة للامانة تبيني
وبة اللئم يعز من شان مالة.
والمال كم لاجلة حبا الطامعيني
واحيان راع المال يورث كلالة.
تصبروا والله مع الصابريني
راع الصبر جزاة لازم ينالة.
قولوا معي امين يالسامعيني
ومن قالها يالله عسى الخيرفالة.
الله يجيرة من عجاف السنيني
ومن كل ما يضر حالة وبالة.
وصلوا على المبعوث للعالميني
الصادق الامين على الرسالة.
نبينا وخاتم المرسليني
اللي نشر بالكون سبل العدالة.
علي الثاني