للبيع عشه مصندق موديل 79 مرهم مكينة كابرس
 

السلام عليكم





للبيع جيب ربع مصندق موديل 79 مرهم عليه مكينة كابرس 305


القير 4 نمر والخامس الريوس


طبعا طارة عادي بدون مكيف


طبعا اللون بيج لكن في الإستمارة رصاصي


الإستمارة تنتهي في شهر 9 والتأمين توه جديد ماله شهرين


لكن لا يوجد فحص وهو على المشتري مع ملاحظة أن مكينة كابرس ماينفحص يعني أما تتفق مع معرض ينقلها بدون فحص


أو تنقلها خارج تبوك مثل تروح مدينة العلا


جنط 15 عشرة أنش وكفرات عريضه 33 حقت رمال وماشاء الله تمشي بدون ماتشغل الدبل


السيارة شريتها قبل شهرين وكنت ناوي أجددها من الصدام للصدام لكن تعتب والله ياأخوان من الصناعية والورش والتشليح ومحلات القطع


فعلا ماصرت أناااام لذا قررت بيعه وألغاء فكرة مشروع الترميم


على العموم تم عمل صيانة ميكانيكيه قبل كم يوم وهي كالاتي :


تغيير جميع جلد السست كلها


تقويس السست وتركيب حمالات خلفية 18 سم


تغيير صلايب الدبل أمامي وخلفي


وزن الدركسون لكن باقي فضاوة بسيطة جدا


تغيير صوفة القير


تفصيل قاعدة للقير بسعر 700 ريال ولله الحمد لما تعشق يفحط الجيب مكانه


تربيط من تحت


عمل إصلاح للكلبليتر


تركيب بواجي جديدة


تغيير صوف ووجيه الركب للكفرين الأمامية مع خرط الأقمشة


وزن الفرامل الأمامية والخلفية


تركيب مراوح سوباروا


تركيب طرنبة ماء جديدة


تركيب رديتر ألمنيوم جديد حق تويوتا مع أن الميكانيكي يقول ماينفع مفروض تركب حق أمريكي لأختلاف حركة دروة الماء


تويوتا المااء حركته من أعلى وأسفل


والأمريكي حركته يمين يسار


فيفضل تغيير الرديتر وبيع الحالي حيث أنه جديد





العيوب :


البودي لك عليه يحتاج تجديد وفيه رش متفرق


وفيه القزازة الخلفية الصغيرة من جهة الراكب أنكسرت على صاحبها الأول وحاط بلاستيك وأنا رحت التشليح وشريت القزازة بالجلد والمسامير


الداخلية لك عليه يحتاج تنجيد وخاصة من عند القير يجي حرارة يحتاج تنجيد وعازل


الدبل أحيانا لما تشبكه مايفصل بسهولة لازم تحاول كذا مرة حتى ينفصل ( طبعا متفق مع الميكانيكي يسويها لكن مافضيت أروحله )


النور الواطي اليمين لا يعمل ( سألت عنها سعرها 20 ريال )


المساحات لا تعمل أتوقع فيوز


يد النور اللي تكبس العالي لا تعمل





طبعا شريت بعض الأكسسوارات اللي يبيها يدفع حقها :


اسطبين أمامية اللي فوق الرفرف ( تجاري )


اسطبين خلفية ( تجاري )


جلد أبواب أمامية ( تجاري )


مسكات الأبواب الخارجية نيكل ( تجاري )


مسكات الكبوت يمين ويسار نيكل ( تجاري )


أريل اللي في الجنب ( تجاري )

يد النور ( ياباني )


علامة 4 اللي في الخلف من التشليح ونظيفة


المثلث اللي عند الأرجل مع السسته تشليح ونظيفه


القزازة الخلفية الصغيرة اللي في اليمين مع الجلد والمسامير من التشليح ونظيفة





الصورhttp://img1.haraj.com.sa/userfiles30...0c6fc00458.jpg

http://img1.haraj.com.sa/userfiles30...0c71f2b95f.jpg

http://img1.haraj.com.sa/userfiles30...0c744c21f3.jpg

http://img1.haraj.com.sa/userfiles30...0c76f78652.jpg

http://img1.haraj.com.sa/userfiles30...0c794c6d60.jpg




السيارة أول مرة أعرضها ولم تنسام قبل كذا


اللي بيسومها لوحدها او مع الأكسسوارات المعروضة كما يحب