انتبه قبل تقض مفتاح على موترك ..
 

السلام عليكم ورحمة الله وبركاته

اخواني انا قبل كم يوم فصلت مفتاح لسيارتي ربع نيسان الشكل الجديد وتعرفون المفتاح الكتروني قال لازم نسوي برمجة للمفتاح الجديد عشان يضبط معك قلت اوكيه واخلص واخذ مفتاحي ويوم جاء اليوم الثاني واطلع كشته برا الرياض ويوم وصلت محطه بينها وبين الرياض حول مية كيلو وانزل ابي غرض وارجع اشغل ما تشتغل واجلس حول ساعه عندها لين جبت سطحه وارجعها الرياض وندخل الصناعية واللي يفك الطرمبة واللي يفك الصفايه واللي يشيك على المكينة قالوا موترك سليم وجيت عند مهندس يمدحونه قال البنزين ما يوصل البخاخات انت مسوي بكمبيوتر السيارة شيء ؟ واتذكر المفتاح قلت اي نعم قصيت قال اكيد ما ضبطها لك ارجع له والمشكلة هنا اني يوم فصلت كنت اتمشى حول مخرج 14 ولقيت محل المفاتيح اللي فصل لي بالصدفة والحين ما ادله واخذت السيارة واروح للشايقي وبرمجها لي واشتغلت الحمد لله ودورت اللي فصل لي ما لقيته حسبي الله عليه لو اني انقطعت فالخلا بسبة مفتاحه


المقصد من السالفة لا تقصون الا عند واحد ثقة ولا جاكم ما جاني من قبل صلاة الفجر ما خلصت الا 11 الظهر وخساير عشان بنغالي يتعلم على موتري ..