مسيتوا بالخير يالنشامى وأهل الجزاله

يقول بن عويف


لـــو كانت دروب المراجــــل كليفـه
اصبر ولو كثرت عليك التكــــاليف

وحذراك مــن كل الــدروب المهيفـه
خلك كما حــرٍ بـروس المشـــاريف

خــــلك زبونــــ ن للعـــلوم المنيفــــه
حذراك من علمن يجيب التحاسيف

ورفيــق جنبــك شـــاركه بالنصيفــه
في محزنــه والا بــوقت الغطـاريف

والجـــار حـــذرك لا يبيــّـن مخيفــه
من جيرتك واحفظ جميع المعــاريف

خــلك معه مثــل الــوليـــف لـــوليفـه
لا يلحقــك شرهه ولا تلحقــه حيــف

واحرص على كل الفعول الشريفــه
تنفعك لا جات الظروف الصواديف

وحذراك من دعـوة عفيف او عفيفه
يدعون ودموع المحــاجر مــراديف

وعند العرب خل السوالف خــفيفـه
حذراك من كثر الحكي والسواليف

وفي جـوف ليلك خــل عينك ذريفه
في ماقفن يسوى جميع المـواقيف

بدايعـــ ن لاهـــل العقــول العسيفه
وصيه لكــل الرجـــــال العـــواريف

وختامها يا اهــل البيــوت المريفــه
صلوا على اللي زاده الله تشريف

بندر محمد بن عويف