منتدى استراحات زايد - سالفة:السلقه الزين..قوافي

http://t3.gstatic.com/images?q=tbn:A...C_3iSPTBg1kNtp
بسم الله الرحمن الرحيم
مــــشـــــرفــــيــــنــــا
أخواني ، أخواتي ، زوارنا
السلام عليكم ورحمة الله وبركاته
حياكم الله واسعد صباحكم / مسائكم بكل خير
صديق للوالد هاوي صيد (اعزكم الله) بالسلق وكانت عنده وحده مزيونه وكشخه إلى ابعد الحدود ،،لونها مثل ما قال دلة الملوحي (أخوي الصغير) خشبي:D
جابها لنا يوم وقال انه مسافر كم يوم ولا فيه مكان يحطها فيه يأمن عليها فخلاها عندنا ..
الوالده حبيبتي من يوم عرفت نفسي وهي تحب تربي طيور وحيوانات كل اللي يسمح فيه المكان وكان عندنا حمام ،دجاج بالسطح،، والارانب بالحوش ومحفرين ومولدين لدرجة ان الحوش صار كنه حبيله أو خندق كل المسميات تجي عليه،، ويامن مره ومره خبرنا نمشي على الارض ماندري إلا وحنا مزروعين،، الرجلين جذور تحت التربه والباقي شجرةً باسقه مثل ما يقولون بالمطالعه فوق التراب ..
ربطنا سلقتْ الرجال بماصوره بجدار الحوش وكان جمبها كرتون تلفزيون كبير فقامت وطبت بالكرتون قلنا زين سوت لها بيت ،،رحنا ننام وحنا ننتظر الصبح بفارغ الصبر عشان نلعب مع الزين والزين هذا اسمها:)..
قمنا الصبح وعلى الحوش نبي نشوف الزين بسط الكرتون يوم رحنا!!!!!!
:eek::eek::eek: شهقنا أمداها فرخت وجابت :eek::eek::eek:
اوف أوف وش جابت؟؟؟
ما جابت شي ;):p:):D
هذي ارينبات اميمتي :good2:
تحياتي الخاصه من اختكم
..قوافي..