السلام عليكم ورحمة الله وبركاته ..

صلوا على نبينا محمد عليه أفضل الصلاة وأتم التسليم ..

أضع بين أيديكم قصيدة لي أتمنى أن تنال إعجابكم و أن ترتقي لذائقتكم ..

محدثكم : محمد بن حمود الفواز


#poem_5190d6ea2b5c9 td {font-family: Tahoma, Verdana, Arial, Helvetica, sans-serif;font-size: medium;font-weight: bold;} قال الذي شعره على ساس ولحون جزل القصيد اللي على الحد ميزان أبحر مع فكره وقاموا يشيلون بنات فكره تعشق الجاش طربان شال القصيد اللي على الطرق موزون وأوقد لهيب الشوق والشوق نيران شوق الحبيب اللي به القلب مفتون ذوب ضلوع الصدر والقلب ولهان نبضات قلبي والمشاعر ينادون اسم ٍ سرى ما بين عرق ٍ وشريان سرى مسير السيل لكن على هون أشبع ورود الحب في كل بستان ودي أشيله داخل العين ويكون كامل نظرها ويتغطى بالأجفان ويبقى حبيبي داخل العين مسجون ويسلى بشوفه ناظري وين ما كان سبحان من ميز حلاته بهالكون سبحان خلاق المخاليق سبحان ما شفت زيه بالمخاليق مزيون أنا اشهد أنه بالملا أجمل إنسان اليا تبسم شفت أنا الدر مكنون عقد ٍ من اللولو يداريه فنان مع شفتين ٍ حاليه حلوة اللون لون الغروب اللي توسم بالأوجان يسحر خفوقي شوف مكحال وعيون وعيون خلي غير عن كل الأعيان لا سل رمشه شالت العين بالهون سلهام رمشه قاسي الصخر له لان واليا تكلم ذوب الروح بفنون وقمت أتسمع من بديعات الألحان ثم صرت كلي بين أياديه مرهون من غير مدري رايح ٍ في خبر كان أحلف له برب البشر خالق الكون منشي سحاب المزن في كل الأوطان لاصون حبه وأجعل القلب مصيون وكامل خفوقي ياخذه دون نقصان وصلاة ربي عد ما هلت مزون وإشتد وابلها روت كل عطشان واعداد من لبوا وراحوا يحجون على النبي المصطفى نسل عدنان