|
راعي العجرا وبقايا الذكريات (مبارة في كرة القدم ) السلام عليكم ورجمة الله وبركاته اليكم هذه السالفه تحت عنوان من بقايا الذكريات في سنه من السنين قبل مايسفلتون شوارع الرياض داخل الاحياء ماغير الشوارع الرئسيه كنا نروح نلعب كوره عندنا مبارة بين حارتنا وحارتهم واللعب في ملعبنا طبعا ملعبنا ارض فسيحه ولكن كلها حصى وجروف ونعب حافين وانتصافق بالسيقان وتكسير ولا احد يقول اح الا قطيبه ويكمل اللعب الساق اذا ضرب الساق يقدح شرار من قوة الضربه ومثل ماقلت اول اح اشوي ونفرك محل الضربه احيان براحة اليد وحيان نفركها بحجر وقم مابك الا العافيه والرجل تقول وسادة قطن من الاورام المهم اخيكم الحريف راعي العجراء جته كوره مثل ماقالوا مقشره راكبه على الرجل وهو مقابل الكوره للشوته طبع ٍ الشوته بوز بصبع الرجل الكبير اللي شكله تقول مفك ببسي وميرندا وتيم وكعكي كولا وفنتا وسينالكو كولا وانا اجيك مقابل الكوره ويوم جيت اشوت الكوره ولا فيه حصات تجيله 3 كيلو عقد بحريه نصفه مدفون بالارض والنصف الباقي طالع على سطح الكره الارضيه من عوامل التعريه وانا خلاص مستعد للشوته وتجي الكوره وتضرب بالحصاة وتنقز وانا اشوت الحصات بحيل امي وبوي ويوم طلعت الحصاة من محلها وانا اطالع مفك الببسي يوم صار تقل مقراض اظافر الظفر منقشع والاصبع مبرشم غادي تقل بطن ضب صويب خرازه وصار ينتفض من الدوخه مستدير راسه ويبدا يتحقرص مره يمين ومره يسار تقول ذنب بريصي والعيال يصوتون قم كمل يالدلوع يالناعم ويقولون راحوا الرجال الطيبين الشجعان مع زمان اول ماعاد بالدنيا خير الرجل من اول يدخل الحرب ويقطع راسه ويطيح بالارض ويقوم يقاتل ويذبح عشرة رجاجيل وهو مادرا ان راسه مقطوع حتى يوصل بيته ويموت وانت يوم طاح اصبعك ماتكمل يالناعم اجل لو يشوفون عيال هالوقت عيال الهمبرقع وحليب النيدو والتطلي وحتى الان رغم مرور اكثر من خمسين سنه وانا اعاني منه والسبب ان الضفر بدا يطلع مع عركوب الرجل بدل مايطلع مع الاصبع واحيان اذا نسيته وطال الظفر تقول مخلب ديك بالاصبع الخلفي الله يازمان اول وين سحاب نجد نصيح انا وياه على هامة طويق انتهت السالفه وقبل الختام سبحانك اللهم وبحمدك لااله الا انت استغفرك الهم واتوب اليك دمتم بحير وعافيه ومع السلامه |
| الساعة الآن 11:28 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir