السلام عليكم ورحمه الله وبركاته

المقدمات لا تعجبني

احب ادخل بالموضوع ع طول

الموضوع حبيت اناقشه مع الخبراء واعضاء المنتدا الغالين

بخصوص الحاله الماضيه اخر ابرئل وبداية مايو

النقاش عن الاحداث النادره في هالحاله وهي كثيره
منها
1
اشكال السحب شفنا سحب استوايه حقيقيه
2
مسار السحب
3
الاعصير القمعيه
4
انوع الهطول وقوته
5
قووة الرئاح الهابطه خصوصنا اخر الحاله

نبي نفصل كل فرع من فروع النقاش


اولا
اشكال السحب
شفنا سحب استوايه حقيقيه في اكثر من مكان بالجزير العربيه منها ماشفناه بالعين ومنها مانقل عن مطاردي السحب
ومنها ماشفناه بالاقمار الصناعيه وردرات المطار
كانت اشكال السحب نادره ومسارها غريب ونادر تعودنا ع الكسير المعروف من الشمال الغربي الي الجنوب الشرقي
لكن من الشمال الي الجنوب نادر من الجنوب الي الشمال نادر والشي النادر جدآ هي من امن الشرق الي الغرب يعني ترجع السحابه الرعديه الي الخلف وحصل هالشي بالحاله الماضيه سحابه تنشي جنوب الجمش وتغرق حلبان وسحابه ثانيه تبرق جنوب شرق القصيم وترجع للخلف استمرة وانا اخايلها ساعتين خلبت جنووب غرب القصيم وسيلة الهمجه كانت قبل الفجر
وسحابه تثبة مكانها وقت طويل حول طميه غرب القصيم وتسيل جميع الاوديه هناك
وسحابه تنشاؤ شمال غرب القصيم وتمشي جنوب تمر بطريقه القصيم ثم جنوبه وتفجر السدود في ارطاوي الحماميد شمال غرب الجمش وتواصل مسيرها الي الجنوب
ثانين
الاعصير القمعيه شفناها وبكثره في الحاله الماضيه
سحابه رعديه فيها اعصار قمعي شمال عفيف ع قريه مخيط
وسحابه ع جبل سويق غرب الجمش فيها اعصار قمعي
وسحابه بالمدينه فيها اعصار قمعي
وسحابه فيها اعصار قمعي غرب القصيم اتوقع ع دريميحه
وسحابه جنوب البجاديه فيها اعصار قمعي
ثالثآ
الرئاح
كانت الرياح قويه جدآ في هالحاله وخصوصآ اخرها
تقلب غرفه مقطووره في وادي الرشا شرق نفي
رابعآ
البرد
كانت فيها سحب برد تاريخيه خصوصنا ع شرق المرتفعات
رنيه الخرمه الهضب عفيف حائل ظلم الفويلق الرين ساجر الجله المورقيه جنوب غرب المرقبيه شمال غرب الدوادمي
دخنه
خامسآ
الهطول كان غزير جدآ لكن في مكان محدود لوكانت السحب عريضه لكانت سيول جارفه
وهذا من رحمة الله بنا
كانت السحب عامه والمطار شبه عامه لكن الهطول غزيز جدآجدآ
في مكان محدود

المناقشه ياليت تكون باسلوب علمي لكي يستفسد الجميع

س1 هل اشكال السحب طبيعيه وارتفاعها طبيعي ام لا ماهو السبب
س2قوة الرئاح مع السحب وحجم البرد

صور بعض السحب منقوله من مطاردي السحب
من تويتر بعد اذن اصحاب والاداره بالمنتدى


http://www.mekshat.com/pix/upload01/...512-wa0170.jpg



http://www.mekshat.com/pix/upload01/...512-wa0171.jpg



http://www.mekshat.com/pix/upload01/...512-wa0172.jpg



http://www.mekshat.com/pix/upload01/...512-wa0173.jpg



http://www.mekshat.com/pix/upload01/...512-wa0174.jpg



http://www.mekshat.com/pix/upload01/...512-wa0176.jpg



http://www.mekshat.com/pix/upload01/...512-wa0177.jpg



http://www.mekshat.com/pix/upload01/...512-wa0179.jpg



http://www.mekshat.com/pix/upload01/...512-wa0181.jpg

الخبراء
خبراء الميدان
مطاردي السحب
الاعضاء
نريد التعاون لكي نحصل ع نتيجه الموضوع في متناول الجميع من عنده صور او شي نادر يخص الحاله الماضيه يضع مالديه هنا


المنتدى له الحق بكل شي
اخوكم ماجد العتيبي

nn6751@