مشكله ومعاناة مستمره
 

من المشاكل المستمره والدائمة لهاوي البر

مشكله تزداد وتكبر مع التقدم والتطور ولم يستطع ولن يستطيع احد ان يوجد لها حل في يوم من الايام

تخيل هذه الحموله :

ادوات الطبخ كم تحتاج من شنطه
ادوات التغريز كالصاجات والبالون والعفريته والونش والواير
الخيمه والرواقات والفرشات والمراكي
الكراسي والتكايات
الحطب والبعض في الصيف يحرص على المكيف المتحرك اورشاشات الرذاذ
الشوايات واصياخ الشوي والمراكب حقت النار

لا والبعض يشيل تلفزيون ودش

والصخانات
ادوات الرمايه والدرابيل
الفروة والبطانيات واكياس النوم وجراكل الماء
حافضات الثلج والبرادات للحوم والخضار

ياالله الحقيقة حمل كثير يسد النفس

ياشباب هالاغراض هذي بالله عليكم وش يشيلها تبي لها قلابي نقل


يازين بساطة اول وكشتات اول

قدر وصحن وابريق داخله بيالات وفناجيل والبشت .فقط ..............وكانت اسعد من اليوم

والا وش رايكم