منتدى استراحات زايد - سالفة:طيري مرخان..قوافي

http://www.3andna.com/photo/ToP/FWAS...A_FWASEL12.gif
بسم الله الرحمن الرحيم
اخواني اخواتي زوارنا
السلام عليكم ورحمة الله وبركاته
طيري مرخــــان
من احب طيوري على قلبي
قعد عندي مرخان ثلاث سنين همن مات ،اتذكر اول ما جابه اخوي ماكان فيه بالبيت محل يصلح لطير واضطريت احطه بغرفه خاصه بمكيفات البيت المركزيه وعلى الاقل فيها تكييف ولا يجيها احد..
عندنا بالبيت بذيك الفتره عامله من الاخوات المسلمات ممن احاجتهم الدنيا للعمل خارج بلادها والتغرب عن الاهل والاحباب..
الاخت هذي الله يحللها ويبيحها ملقوفه بشكل غير طبيعي سبحان الله ..
ثاني يوم الصبح شافت الطير وهو مبرقع بغرفة المكيفات وقلت لها لا تدخلين هنا ثاني هذا موب حمامه هذا ياكل حمام ،قالت :هراااام واهد بس هنا وراحت تمشي :(وانا عارفه انها ميب مستريحه لازم بتسوي شي:eek:
عندنا عشة حمام بالحوش والوالده الله يحفظها طلبت منها تنظف العشه هاك اليوم ،نظفتها مثل كل مره وماش الحنان واللقافه اجتمعن مع بعض فقامت وشالت الطير من غرفة المكيفات وحطته بعشة الحمام والحمد لله انها ما فكت غير البرقع:l
شوي إلا ونسمع مخابط الحمام وش عندهم رحت اركض حسيت ان فيه شي وودي اكذب نفسي بس خابرةً العامله ميب مستريحه:p ويوم رحت واثر الحبيب مرخان تنقى الفطور بما أننا الصبح وبدى من غير ما يعزم احد من اهل البيت وافطر على حميمه من حميمات الوالده ..
رحت ابي اقول لأمي انه حطت الطير عند الحمام ولا العامله سبقت وقالت ولين امي تحتري تشوفني وانا دخلت البيت مدري وش راي امي:eek: خصوصاً انه تكره دخلت اي طير للبيت وقبل تبداء وتحلف قلت:
ههههههههه الله يصلحه مرخان ماصدق على الله شاف الحمام يحب بطنه ههههههههه :D:D:D:D
كل هذا وانا خايفه تحلف يطلع من البيت والحمد لله طردتني انام عند مرخاني بغرفة المكيفات ونمت:):):)
تحياتي الخاصه لجميع من زار متصفحي وقرأ لي حرفاً ولكل من شرف السالفه بالرد..
أختكم
..قوافي..