|
كابر // بقلمي زياد السنباني مدخل // بقلمي زياد السنباني ابكي ... والاقي الناس تضحك شماته واضحك .. والاقي القلب باكي لجرحك ان كان عندك حل بالله هاته وقلّي : ابكي من جروحك او اضحك ؟ ************* كابر // بقلمي زياد السنباني كابر وغني وابتسم كلما جيت وامسح دموعك في كفوف الاغاني مهما ضحكت وشفت صوبي وخليت نفسك طبيعي .. ادري انك تعاني مدري على قلبي كبرت وتغليت والا ترى ما هو مقاسك زماني الغلطه اني طعت قلبي وحبيت واكثر من اللازم عطيتك حناني مل الزمن مني وانا منه مليت يغيب ان جيته واذا غبت جاني يزورني بايّـــام الاحزان للبيت وان قسّم ايام المسرّه نساني وان جيت اراجع حسبتي ايش سويت القى الحقيقه ان ((قلبك اناني)) لا خير في من عشته ابصدق واوفيت ان كان قلبه صار لانسان ثاني اكثر كلامي بعد ما انته تخليت (يمكن) و (ياليت) و (عساه) و (عساني) وضاع العمر ما بين ((يمكن)) و ((يا ليت)) لا الوقت خذني لك ولا هو عطاني عاني .. وانا في نفس الاوجاع عانيت واليوم دورك جرب انك تعاني مادام بعد الود غيري تمنيت لملم جروحك وانتظر للاماني *************** مخرج // بقلمي زياد السنباني شكراً على الغدر والاوجاع في ذاتي وكل ما بحت من تجريح او اسررت فرصه سعيده ولك خالص تحياتي مشكور يا سيدي والله ما قصرت تحياتي للجميع // زياد السنباني |
قصيده رائعه تحمل ابيات جميله ومعبره صح السانك وطاب بوحك العذب لاهنت ويعطيك العافيه |
أخي .. لله درك ,, ولا فض فوك اتحفتني ,, وزمان عن هالقصايد في الاستراحة مبدع فعلا .. والابيات متماسكة ومعبرة صح لسانك اخي الغزيز .. لا عدمت شاعريتك وذائقتك اقتباس:
|
مرحبا صح السانك القصيدة جداً رائعة شاعريتك فذة وهاجسك مبدع أمتعتني وكل الشوق لجديدك تحياتي لك :wrd: |
كويتي عسل النورس شاعره شكرا لحضوركم الذي يعني لي الكثير ولا عدمناكم كل التحايا لكم وشهر مبارك وكل عام وانتم بخير |
| الساعة الآن 03:31 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir