منتدى استراحات زايد - سالفة: الجني القزم والجحه..قوافي

http://photos.azyya.com/store/up2/0812091108019r99.gif
مشرفينا الأفاضل
أخواني ، أخواتي الكرام
زوار مكشاتي
السلام عليكم ورحمة الله وبركاته
سوالف الجن دايم ما تحلى إلا مع طفية الكهرب ليه مدري كن الواحد ناقص خوف:eek: ذابحتنا الشجاعه ;)
بيت جدي طين ونازل عن الشارع،، والباب لين جيت تدخل البيت تحول ثلاث درجات،، والمجبب وسيع ومدحدر للحوش واول مافيه بلاط الارض مسمته باسمنت وماهنا تويسي مطانيج خبرك تمشي همن يصقع رجلك ورم (مطناج)يطير ظفرك:f
واللمبه اليتيمه اللي بالمجبب السهاريه تنور اكثر منها والحوش كذالك على ما قالو تزدي:D
هاك الليله حنا ممرحين عندهم وكان آخر الشهر،، يعني ظلاااام خرمس ماتشوف كف ايدك لو تبعد شوي عن النور وغيم و:r مطر وبرد ولين حنا عقب صلاة عشاء..
طفا الكهرب وتكومنا بالحوش على سراج جدي اللي ياخذه معه لصلاة الفجر،،وخذ من سوالف الجن اللي معظمها او كلها تقريباً أراانب:good2: والتواصيف هذا طير يبحر بعيونه وهذا بس اسود يتكلم (اكرمكم الله) وكلب اسود يغرد مثل العصافير واللي رجال قزم لين شفته يتدربى مثل الكوره وعنز سودا تصارخ وجدع من الحتسي اللي خلا روسنا تدور وماعاد الواحد يقدر يطلع اصبع رجله من تحته:eek:
طق الباب والدنيا ظلام ومافيه الا السراج فقالو بنسوي قرعه بقرش،، البنات كتابه وحنا يالعيال صوره وطار القرش بالهوى وطاح على كتابه..
قمت انا وبنت عمي هي عمره 7 وانا 5 ورحنا وكأن الباب بعيد عجزنا ناصل من الخوف..:eek:
قالت: ميييييين؟؟
قال :انا جدتس افتحي ما اقوى افتح..
عاد جدي معه مفتاح والخوف لعب بنا يوم دلينا نناظر بعض وشو جني الليل والمطر!! المهم نزرنا جدي من ورا الباب افتحو..
تقدمت بفتح الباب وطلعت الثلاث درجات وما امدان اشوف هو صدق جدي أو اللي اهوجس فيه (جني) مادريت إلا وشي طاح علي همن تدربى على الارض ..
صارخت لين طيرت عشوش العناكب اللي ماليةً المجبب وجدي الله يرحمه ويسكنه جنات النعيم يسمي علي ويقول:
جحه جحه ونا ابوتس جحه
اثر جدي جايب معه جحتين كبار وطاحت من يده وحده علي همن تدربت :) بس الراس مع الجني القزم اللي يتدربى،، وسلامتكم..
تحياتي.اختكم
..قوافي..