اذا خليت السياره يومين ماتشتغل الا باشتراك علماً ان البطاريه جديده ؟
 

السلام عليكم


ياشباب معي شروكي 2001 يشتغل زي الحلاوه بس اذا خليته يومين وجيت بشغله مايشتغل لازم اشتراك .. توقعت ان البلا بطاريه وغيرتها بوحده جديده قبل 5 ايام بالضبط و لبقت الموتر جوا البيت وخليته جيت اليوم بجرب اشغله الانوار كلها تشتغل بس ضعيفه ولا يدق سلف و شركت له و اشتغل معي !!

وش السالفه توني مغير البطاريه وش ممكن يكون العطل منه .. علماً اني مانسيت لمبه ولا نسيت النور شغال كل شيء طافي ماعدا المسجل حتى لو طفيت السياره تشتغل الساعه اللي بالمسجل بس ما اتوقع انها بتخلص البطاريه في كم يوم ؟؟ وش ممكن يكون منه

توقعت انه من الدينمو او فحمات الدينمو بس اشاره البطاريه اللي في الطبلون ممتازه و ثابته على النص مافيها خلاف لو الدينمو فيه عله بتصير نازله و الكهرباء ضعيفه

علماً ان راعيه الاول يقول قد ضرب عليه الكمبيوتر و غيره بواحد مستعمل تتوقعون من الكمبيوتر ؟؟

المشكله وديت الموتر لورشه المطيويع افضل ورشه متخصصه بالشيروكي و يوم شبكو الجهاز حقهم على اساس يفحصون الكمبيوتر يقولون مايعطينا اشاره الكمبيوتر يعني يشبك الفيش لكن مافيه استجابه مع انهم جربو الجهاز حقهم بموتر ثاني و يشتغل ويفحص لكن بموتري مايفحص !!

وش تتوقعون البلا منه ؟

مشكله اللي يستعجل ويشتري موتر بلاويه كثيره هد الميزانيه و الراتب كله يروح عليه