|
سالفة: الموافقه هيل والرفض مسمار..قوافي http://www.mezan.net/forum/g9/22.gif مشرفينا ،أخواني ،أخواتي ، زوارنا حياكم ربي جميعاً معظم العوائل زمان كان عندهم ان اولوية زواج البنت لأبن العم ويشار قبل تزويجها لأي شخص آخر عن موافقته او رفضه في حال لو كان سيتزوجها هو،واليوم فيه سالفه عن بنت تقدم لها واحد من نفس جماعتهم لكنه مهوب ولد العم بعيد شوي وولد عمها شاب ما تزوج لكنه على قدر كبير من رجاحت العقل .. ابو البنت ارسل لولد العم يسأله ويستدعيه للحضور بعد صلاة المغرب عشان يسمع رايه ويستشيره بالموافقه او الرفض لكن ولد العم كان بالنسبه له الأمر يرجع للبنت ولا يدري كيف يقنع عمه وابوه بهالكلام.. يوم جا الوقت المحدد راح الولد لبيت عمه، ويوم اقبل على البيت وهو يسمع صوت زوجة عمه تقول للبنت: يافلانه بروح اصلي وزهبي القهوه الحين بيجون الضيوف.. انتهز الفرصه وقال بصوت عالي تسمعه بنت عمه من المطبخ اللي له شباك يطل على الشارع او السوق : يامزهبةٍ الدله أن كنتِ علي موافقه فـــــــ: الرضى بالهيل والرفض مسمار (قرنفل) يبهر الدله.. البنت سمعت كلام ولد العم وبهرت الدله بمسمار .. ويوم جلس بالمجلس وجت الدله صب الفنجال ويوم قرب الفنجال بيشرب شم ريح المسمار وعرف الجواب.. فقال لعمه انه موافق على الخاطب للبنت وانه ابرك وفيه صفات ومزايا ....الخ وقعد يمدح ،قال العم خلاص اجل ردنا على فلان بالموافقه اما انت ياولد اخوي فتراك لفلانه يعاني البنت الاصغر وما قدر هالمره يشور لابهيل ولا بمسمار فتزوجها .. تحياتي للجميع واشكر كل من شرف متصفحي بالحضور ..قوافي.. |
| الساعة الآن 01:51 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir