|
قصيدة خليل الشبرمي ( دهتني عيونك ) قصيدة الشاعر المبدع خليل الشبرمي التميمي في المرحلة الثانية من شاعر المليون يامن دهتنـي عيونـك واحتوتنـي يديـك= الله يسامحْك كيـف تقـول مـاذا دهـاك ماتدري انـي متيّـم بـك وكلـي لديـك = مملوك مأسـور مسبـي مستهـام بهـواك أموت كلي معك واموت فيـك وعليـك = واغليك لكـن عسـى الله مايبيّـن غـلاك واحنّ اليك وعليك احـنّ مـن والديـك= ومن لهفتـي عيـن قدّامـك وعيـنٍ وراك أشتاق لك واشتكي لك منك واشكيك اليـك*** كلك ملكني وكلك فـي عيونـي مـلاك جادلك جيدك جبينـك خنجـرك حاجبيـك = اسمك سماتك سمّـوك سِسْتِمِـك مستـواك جوريْك جمرك لجينك عسجـدك وجنتيـك = ذرابتِك رقّتِك روعـة حضـورك بهـاك وجهك وهج مبسمِـك بسمَتْـك غمّازتيـك= براءتك خالك اللي لاذ بأيسـر شفـاك سِجِنّجِلِـك جلنـارك نرجسِـك كركديـك = كاديك مسكك نسيمك شمس صبحك مساك سلهام عينك نَعَس طرفك حَور مقلتيك = بوهَتْك ملحك حلاتك خـف دمـك حيـاك ما اعرف اداري ولا اهدّي ولا امسك بريك = لاجيت اجي كلي وكلي عسانـي فـداك أقدّم الروح كاش وباقـي العمـر شيـك = باسمك مصدّق ولا يصرف لحـيٍ سـواك يامن دهتنـي عيونـك واحتوتنـي يديـك = الله يسامِحْـك كانـك قلـت مـاذا دهـاك |
أخوي الذيب مشكور على النقل الرائع والله لا يحرمنا من جديدك ولا جديد الشاعر المبدع الشبرمي |
طرررررررررررر صح للسانه والله يوفقه يسلموووووووو الشيخ ع الطرح الغااااااااوي |
اقتباس:
|
اقتباس:
|
| الساعة الآن 07:50 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir