منتدى استراحات زايد - شوي والله ونذبحه لكن هدانا الرحمن وخليناه لأمه وابوه !!!

بسم الله الرحمن الرحيم . .

السلام عليكم ورحمة الله وبركاته .. حيّ الله " المشرفين 00 والاعضاء 00 والزوّآر "

في بدآية السالفه , يوم من الأيـآم عزمنا نطلع البر حنا والشلة " شلة العاده المعتاده" تجمعنا وكلن عرف وش عليه ..

المهم , غادرنا الرياض باتجاه الموقع والا حنا حول 7 او8 شباب , يوم نزلنا من الردميه باتجاه الموقع المقصود يبعد عن الخط العام حوالي 20 كيلو داخل البر , وانتو عارفين اللي طالع البر عينه على الشجر الكبار والظله

ويوم شفنا هاك الطلحه الكبيره والله ونتجه يمها , ويوم جينا عندها الا والله الطلي النجدي اللي مـآيشيله الددسن مرربع مايشيل ليته الا رجالين , واثاري الطلي ناشب الشوك في صوفه ويفحط في محله له ساعه او ساعتين ناشب في هالشجره !! ومحل يديه ورجليه " حفره " من كثر مـآفحّط

جبنا السكين وقصقصنا صوفه وتشاورنا حنا وبعض الشباب ناخذه ولا نطلقه !!!! وش نسوي به ! ,قال واحد من الربع: ترى البهيمه ماتننسى ولا تضيع اهلها !!! اطلقوه وشرط يتجه يم المراح والغنم . وبهالطريقه سويتو خير فيه وفأهله

والله ونطلقه .......
وانطلق وراح باتجاه اهله - الله العالم-

. . وسلامتكم يـآجماعة الربع , نلقاكم في سالفة ثانيه وانتم في أطيب حال . .