|
قصه بين صقارين السلام عليكم ورحمة الله وبركاته صقار طرح طير حر مايهون أمره وفرح فيه لأكن الفرحة ما اكتملت لأنه لقاء رقم جوال بالطير وفوراً بشر صاحبه عندما ابلغه الذي أعطي أوصاف الطير ولبعد صاحب الطير اتفقو علي موعد وحضر الرجل صاحب الطير الي دار الي عنده طيره بمعية اولاد الرجل حيث لا يعرف الديره الذى استقبلوه عند مدخل مدينتهم الي هنا والأمور طيبه لاكن راعي الطير رفض الدخول والرجل يحلف عليه يتقهوا ويقوم بواجبه قال انا مستعجل وارغب بطيري حاول الرجل معه واخبره ان ذبيحته مشريه لاكن مافيه فايده يبي يمشي طلب من عياله يعطونه الطير وعندما اخذطيره قال له الرجل ابي كروتي من الطير قال وش هي كروتك هذا طيرى ان كان تبي الفره ولا الحمامه اعطيك بدالها قال والله لو تعطيني فره لامصع رقبت الطير ورقبتك معها لاكن انا اقول يا رجل عطني كروتى ثمن الطير ولي 10/100 من قيمة الطير رفض صاحب الطير وقال هذا ماهي علوم رجال مما دعاء الرجل الي سحب رشاشه وطلب منه يرجع الطير وروح اشتك المهم سحبة الرشاش أفزعت أهل بيت الرجال وطلعت حرمته والتمت الناس المهم تدخلو العاقلين وهدو الوضع بينهم ورجع صاحب الطير الطير للرجال علي ان يحكم بينهم صقاره والجيران مستغربين من جارهم العاقل الهادي يسلونه وش فيك قال ملعون الجدف معي لاياخذ واجبه ولا تقهو وشو هو المهم والاهم يا أخوان ما حصل من زوجة صاحب البيت نادت علي زوجها قالت يابو فلان اسئل الرجل هو ولد فلان وامه فلانه وهل هو من مواليد المدينه الفلانيه وابوه كان با الجيش ولدها راح للرجال وسأله قال صحيح وهو مستغرب رجع لامه واخبرها قالت ياولدي خل خالك يجيني يسلم علي الرجل وعياله بحالة ذهول قالت انا وهو ولدنا با المدينه الفلانيه وحنا من بلد وهم من بلد هم من قبيله وحنا من قبيله وابوه وابوى زملا با العمل ورضعتني امه معه كثير وكانو جيران لنا ويوم شفته حكرت دمه و انتهي المسلسل با العلوم الطيبه والمعرفه والتراحم بينهم فيما بعد .. |
| الساعة الآن 01:58 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir