راع الخطا محدن يحبه
 

السلام عليكم يالمكشاتيه
هذي القصيده موجهه لصخر=ولدي والجايه ان شاء الله لسالم اللي تو راح يدرس بكنده ولاعليكم زود=\=
راع الخطا ماحد يحبه=مدحور مايعتلي شانه
ويزيد لاشافك اتسبه=على الخطا راكب احصانه
قالو ترى سفهته طبه=قلت العلاج ابخيزرانه
ادواه على وجهه اتكبه=حتى يحب خد شيطانه
واجلد لاتجلد على الهبه=احذر تغادر لها خانه
ابغاه يطلع على تبه=ويتوب عن غلطة السانه
ياصخر ماجاز لي كتبه=والذم ماحب عنوانه
لكني امواطن ابغربه=وبين العدا مابه اميانه
حرمة ابو سنت الحربه=دجاجه في ريش شيهانه
ولي خيل وانا اخو سربه=وواليعربي بيدي اعنانه
لكن اخضيّر على دربه=مازال ماشي في خسرانه
في لغف عرق ابطرف خبه=مبسوط يصرقع باذانه
سعادته لانقل قربة=مدمن على ريح صملانه
يشوف حاله على النخبه=وان جا اللزز طاح بميدانه
شاعر وغيره على النسبه=في بحر واحد من الحانه
لواء لحاله بهالرتبه=مظلي مع رتبة اركانه
لايق على كتفه الجبه=والبشت يحرم على امتانه
وراع الخطا مابنى قبه=هيال ويطيح بنيانه
وياناشد عنه لا تنبّه=له صورة فوق ديوانه
يجمع حطب واجد ويشبه=ليته طبخ فيه فنجانه
ويقول حافظ على التربه=الفاسد من يقطع اغصانه