منتدى استراحات زايد - *** تهريب زيت المكينه في اليوكن ولكن بدون أثر له ***

السلام عليكم ورحمة الله وبركاته
يا أخوان عندي يوكن 2002 سعودي له معي 7 سنوات وماشي 310 آلاف
ونقص زيت المكينه بشكل كبير تقريباً قبل أسبوع ( ولعت لمبة إنخفاض مستوى الزيت ) وشيكت عليه لقيته ناقص علبه وماشي على الزيت 1800 كيلو
وهذي أول مره يسويها معي
طبعاً فيه ترشيح من تحت غطاء الثلاجه من حوالي 4 سنين وتاركه لأن الزيت ينقص ربع علبه كل 5000 فما منه ضرر لأني أغير الزيت كل 5000 10w30
السياره مافيها دخان لا أزرق ولا أبيض ولا يوجد تهريب من تحت السياره لا من عند الصره والفلتر ولا من عندالصوفه الخلفيه للمكينه
سؤالي / هل هذا بداية تبويش ؟ أم شيء آخر ؟
ولو كانت المكينه موليه فالأفضل توضيب وإلا تركيب مستخدم ؟ وكم ممكن تكلف لو فعلاً المكينه على وشك تبويش ؟
أتظر آرائكم بارك الله فيكم