|
استفسار عن منتج + رجه في قومه السيارة السلام عليكم ورحمه الله وبركاته اسعد الله اوقات الجميع بكل خير اخواني عندي مشكلتين في باترول مديل 2000 المشكله الاولى فجأه بدون سابق إنذار جيت اقوم السياره بالاول عند الاشاره صارت تنتفض وترج لدرجه انا خفت قلت الله يستر شكل الدفرنس طاح وقومتها بالنمره الثانيه عاديه مشى طبيعي ما فيه إلى العافيه ولله الحمد المهم وصلت البيت وانا مازلت محتار وش السالفه ولما حاولت ادخل الجيب للبيت بالخلف ونفس الشي اول ما رفعت رجلي تكرمون عن دواسه الكلتش إلآ رجع ينتفض الجيب الآن اقوم السياره بأي نمره بالثاني الثالث الرابع يقوم عادي بس المشكله تبان اذا قومته بالاول وبالريوس المشكله الثانيه الجيب مرهم وكل طلعتين ثلاث للبر لازم اخصص يوم تحت السياره اربط اللي تحت لابد الاقي بلاوي منحله وطايره خصوصاً مسامير كراسي المكينه بعض المرات الحق عليها واشدها ومرات ما احصلها :D فـ شفت بأحد مواضيع مشرفنا الاصيل الحجازي الله يجزاه ويجزاكم عنا خير يذكر فيه غراء تابع لشركه لوكتآيت Loctite لشد الصواميل لعل الاستاذ ابوعبدالرحمن او احد الاخوان يذكر لنا اذا له وكيل في الرياض او موزعين او اذا فيه غراء لشركات اخرى ممتاز غير الامريكي العادي المخلوط لإني جربته ونفس الشي ماحصل الصواميل مكانها |
| الساعة الآن 11:58 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir