منتدى استراحات زايد

السلام عليكم ورحمه الله وبركاته

قصيده للتواصل واتمنى ان تنال على اعجابكم

بعض العرب ودك تضمه من اقصاه
حيثه دوا لاهل النفوس العليله
العين عين الي غريبه مزاياه
والخد خد الي صفاته نبيله
الله على شوفه ومزت شفاياه
ابو جديلن زين شوفه في ليله
فيه الدلع والزين محدن سواياه
سبحان ربك صنفك ياجميله
لبا الحكي فديت انا منطق احكاه
جعله بعد اهل النفوس الرذيله
اللي بفعله دايم الناس تشناه
يمناه في وقت اللوازم بخيله
ماينفع المعسر ولايذبح الشاه
نفسه على المحتاج دايم ثقيله
اللي على ربعه يحب المباهاه
بلفيت مافي ربعه احدن مثيله
( عزاه ياوقتن مضى واحلالاه )
تسهر معي ذيك الليال الطويله
مابيننا كثر الزعل والتشّراه
على النقا واعلوم ذيك الجزيله
ترا المقفّي مالنا درب وياه
والجرح منهو غيرك اللي يزيله !
جرحي عليل يازين محدن بيبراه
حتى الطبيب اللي بيديه الوسيله
عزي لقلبن صرتي حبه وبلواه
وانا ادري إن الوصل مافيه حيله

وسلامتكم !