منتدى استراحات زايد - شئ مخيف الي صاير

السلام عليكم مكشاتيه

قبل يومين شفت حادث مروع لوانيت والضاهر ان فيه وفيات لانهم كانوا ممدين على الارض ومغطين الله يرحمهم .
عدة مرات اتصفح اليوتيوب واشوف ضحايا التفحيط والملفت للنظر انها حوادث شنيعه للغايه وبشعه ما يتصورها العقل ولا تقارن بحوادث الطرق السريعه اجارنا الله واياكم من شر الحوادث.
لكن الانسان ينتابه شعور احياناً بخصوص حوادث التفحيط ان فيه قوى خارجه عن المألوف خلف هالحواث .
على سبيل المثال
تشوف سيارة التفحيط تبدأ تزحف وتنخفض السرعه تدريجياً ونتوقع انها بتوقف او ترتطم برصيف ثم الوقوف ......... وفجأه ما تدري الا وهي تبدأتطير في الجو بلمح البصر وتأخذ عدة دورات في الهواء .....ثم تكمل الدوران والانقلاب على الارض ولا تكاد تلمس الارض وتلاحظ البشر الي بداخلها يتطايرون عبر النوافذ بلمح البصر ومنهم من ترتطم به السياره ومنهم من ترميه على مسافه بعيده وكأنه وزن لا يذكر ... ولا حول ولا قوه الا بالله ....
تحليلي الشخصي والعلم عند الله سبحانه
ان دعاوي الناس لها دور كبير في بشاعة وشناعة هالحوادث
يا مفحط تذكر كم انسان كبير سن اذيته وضايقته وهو نايم في بيته او بين يدي الله يصلي ويطلب الرحمه والمغفره .
كم امرأه تسهر مع طفلها الرضيع او المريض تحاول انها توفر له جو الراحه والهدوء عشان ينام وتسببت في اذاها.
كم من انسان مريض يتمنى ينام لو ساعه مرتاح البال وبهدوء .
كم من مصلين في المسجد خاشعين ومتذللين امام الله يطلب عفوه ورحمته وافسدت عليهم خشوعهم وطمأنينتهم.
كم من انسان طالع من دوامه بعد تعب يوم كامل يبغى يقيل ساعة زمن واحرمته منها.

ما لك عذر ما لك عذر ما لك عذر تدري ان التفحيط اذيه للناس فلا تتوقع انك تأذي الناس ويدعون لك بالصلاح والهدايه شلها من قاموسك وطلعها من راسك .
اذا دعى لك (10) اشخاص ...... بيدعي عليك (100).
ما راح تسلم من دعاوي الخلق عليك وابواب السماء مفتوحه والله يسمع ويرى
يا ناس التفحيط ظلم للاخرين ودعوة المظلوم ليس بينها وبين الله حجاب.
وتروا اصحاب الدبات ذات الصوت العالي والانوار الزنون ما هم بعيدين من الربع الي تكلمت عنهم
الموضوع مطروح للنقاش والله يستر الحال