منتدى استراحات زايد - راعي حلال ومتفرق

الله يحيكم كل واحد بمعرفة هذه قصة حقيقية فيه واحد من الزملاء اشترى له معزا يبي له على قولتنا منايح والرجال ماشاءالله مدهر بالمعزا ودائم يحضر زبد ولبن المهم الرجال عزيز علي وبين فتره واخرى هاه يابو فلان علوم الغنم قال والله شكلي ابي ابيعهن غير هالكلام قال يابو نبيل فيه فلان قبل فتره احضر عنز وقال ابي اودعها عندك واستحيت من الرجال قلت ابد حياك الله العنز ولدت جابت تيس يقول وابشر راعيها قال لي وجهك مبروك اتركها حتى يكبر ولدها المهم كبر التيس ولادريت الى ويتصل يقول يابو فلان ترى اخذت التيس والعنز تركتها يمكن تضرع من فحل غنمك الطيب يقول اضرعت وجابت تيس ونفس الطريقة ومستحي من الرجال مالي غير ابيع الغنم وارتاح من الوداعة التي بلشت فيها فعلا بعد ذلك باع الغنم واستلم العنز الرجال ودعها عند رجال اعرفه المهم فيه ابن خالي عنده غنم وقال يابو نبيل اذكر الغنم للبيع ذكرتها لرجال وقال ابي اشوف الغنم طبعا من الزملاء الي يبي يشتري الغنم جازت الغنم له وقال كلم الرجال بالسومة وفعلا راعي الحلال وافق على سومة الرجال وحنا نناظر الغنم الا وذيك العنز تطلع من هذاك الشبك وتزحف على يديها وكبيره بالعمر وحالتها حاله الرجال الي اشترا الغنم قال والله يابو نبيل لو شفت هالعنز قبل اشري الغنم مايكتب الله شرا الغنم كلها المهم اثنا الكلام ويتصل صاحب الاغنام الي هو ولد خالي قال يابو نبيل العنز الي وصائفها كذا ماهي مع البيعة لانها وداعه لرجال الرجال قال الحمد لله ضحك واحد من الحاضرين وعارف الرجال الي ودع العنز عند زميلنا الاول قال هذا تلقاه فلان مودعها قلنا لا المهم اصرو علي ان اتصل بابن خالي قلت حنا تغالطنا على العنز نبي نقولك اسم الرجال اذا هي له تعلمنا قال ابد والله لاعلمكم قلنا فلان قال عزالله هو ضحكنا من الموقف وقمنا نتصل على ناس نعرفهم وكل واحد يقول مودع عنده نعجه او تيس انتهت القصه الغريبه والطريفة تقبلو تحياتي