افيدوني في سيارات كيا كرنفال !!!
 

السلام عليكم ورحمة الله
اخواني الكرام قرأت في موضوع هنا في المنتدى على الرابط التالي :
http://www.mekshat.com/vb/showthread.php?t=198419
الرجال ينصح بالابتعاد عن كيا كرنفال نعائيا

لي فترة ابحث عن سيارة عائيلية للساق والمشكلة ما لقيت سيارة عليها الكلام .. الكيا الوحيدة الي عجبتني لان محركها 6 سليندر وقوية ومريحة من الداخل وشكل خارجي انسيابي . جدا رائعة كشكل وراحة داخلية

ولكن اخر شخص سالته عنها ميكانيكي .. فقال لي ابعد عنها بسبب ان المكينة المنيوم ومسامير البلوف اعتقد او مادري وش سماها بالضبط .. ان هالمسامير حديد والمكينة المنيوم ومع الحرارة تبدأ تضعف المكينة والمسامير تبدأ تفتح فجوات كبيرة في المكينة بسبب الحرارة خصوصا بالصيف .. وعلى هالاساس تخبط المكينة بسبب فتحات المسامير فيها واختلاط الزيت بالمويه

انا احترت والله ياجماعة اشتري كيا والا اشوف غيرها .. علما ان غيرها مثل :
فورد فريستار ... ايضا قالو فيه مشاكل لا حصر لها خصوصا مع القير
كرايزلر فان .. يقولون قطع غيار ما يرحم
هونداي H1 ==> افضل السيارات ولكن حجمها كبير والشريطية مطيرين سعره ومستحيل اشتري موديل 2006 بـ 35 الف لو انه ينقط عسل
بريفيا تويوتا .. عملية ولكن حجمها مرة صغير وضيقه وفوق هذا سعرها خيالي ( استهبال بالسعر )

انا اكثر شي عاجبني :
الفورد
الكريزلر جراند فيوجر
كيا كرنفال

طبعا اقل سعر لموديلات حديثة 2010 و 2011 ما بين 45 الى 55 الف كيا كرنفال وسعرها معقول
وعند الشريطية 2009 يقولون السوم 45 والحد 50
2010 عند الشريطية حد 60 الى 65
2011 عند الشريطية حد 65 الى 75 حسب مزاجه ذيك الليلة

ولكن سعرها معروف عند الاجواد والناس العاقلين

فــ وش رايكم يا جماعة الخير

اعطوني تقريكم عن الكيا كرنفال تراها داخله مخي وان كان احد مجرب يعطيني خبر هل تستاهل والا ابعد عنها

للاهمية