منتدى استراحات زايد - ياذيب ياللي عاوي عويت الجوع

السلام عليكم ورحمة الله وبركاته

ياذييب ياللي عاوي ٍ عويت الجـــوع ... بكيتنــــي باذيــــــب وقـــــت الاهـــــله

بكيـتني ياذيب مــن مــدة اســــــبوع ... واليوم ثامن ودمـــــــع عينـــــي اهلـــه

عليك قلبي من المعـــــاليق منـــزوع ... نزعة جناح الطيـــــــــر من ماكر لـــه

وصيتـــــي ياذيب لا تكثـــر الــروع ... اليا حـــــــــداك الجـــوع فالضلع خلـــه

مابالرجم ياذيــــب مايطفــــي اللــوع ... قبــلك رقيتــــــــه وزود القــــلب علـــه

لقيت غل ٍ يردفـــــه هـــم متبـــــوع ... بيــــــن العـــلايق كل عـــــــرق يتـــله

وياونتـــــي ونة كفيــــف ومجـــدوع ... بحامي الوطيــــــــــس ومالقى ذاري له

يالجو صاروخ ٍ والوطا لغم مـزروع ... وحس الطلق مـــــن كل صــــوب وخله

واغدا عصاه ومامشى بخطوته بوع ... ودرب الســــــلامه لـــــو بغى مايـدلـــه

قالوا يـــزيد الشــوق مع كل ممنوع ... وفكري على شوق الغضي مــرخص له

يغيب يوم وان رجع صار موجـوع ... عليـــــــــه حلف خاطــــــــــري مايفلـــه

واصد وبكي والحق الدمع بدمـــوع ... مثل اليتيــــــــم مالقى مــــــــــن يشـــــله

في ديرة الغربه بها الوصل مقطوع ... وشــــعاد لو تلبس مــــــن الزيـــن حله

وخده كساها السيل مقفي ومتبـــوع ... وفيـــها النفـــل مخـــلوط بــورد ٍ وفلــــه

اليا نضرته اوجس الكبـــد بتفــوع ... وافرح اليا قالـــوا لقــــوا بنجـــــد ربله

عليك انا يانجد طيـــر به ملـــــوع ... ازرا جنــــاحي بالهـــــواء ما افـلـــــــــه

راعي العجراء