|
مضحكة مبكية: كلنا أخوان وهدفنا واحد!! مضحكة مبكية: كلنا أخوان وهدفنا واحد!! اللي في السجن واغتصبوه وحكموه عشر سنوات وكاد يموت، هو نفسه نفسه اللي قاعد في الديوان الملكي بالسر ونفسه اللي قاعد في العرين وراتبه يمشي! يا جماعة هدفنا واحد.. الى اغتصبوه اخته واللي يحاور المغتصب.. كلنا اخوان! كلنا أخواان، اللي رفض الحوار مع القتلة والنواب اللي خبروا عنه في المخابرات... كلنا اخوان كلنا واحد! اللي يقول الشعب يريد اسقاط النظام، واللي يقول بأن هذا الشعار مستورد من تونس.. كلنا أخوان! اللي في السجن خيّروه بين غرشة مكسورة أو صاحية (!!)، واللي قدموا له غراش يشربها في العرين.. كلنا أخوان والهدف واحد! اللي يريد يقتص للمساجد، واللي يعطي الوزير المسئول عن تهديمها الشرعية بمصافحته والموافقة على قيادته للخوار.. كلنا أخوان! كلنا اخوان، سواء اللي ينسجن في ساحل كرباباد ويطلعه المتغوي في نفس الوقت.. واللي ينسجن ويحاكمونه تجمهر.. كلنا أخوان والهدف واحد! شريك استرتيجي وعدو استراتيجي.. كلنا أخوان! اللي يجاهد من أجل اسقاط آل خليفة ويقدم التضحيات.. واللي يقول: الحكم حق من حقوق آل خليفة الكرام.. كلنا أخوان والهدف واحد! واحد طل في عينك. (منقول) وأضيف: كلنا اخوان، اللي يسمي آل خليفة "العائلة الكريمة" .. واللي ينادي بالموت لآل خليفة.. كلهم أخوان وهدفهم واحد وأهم شي تصفية النية والأخلاق والحكمة والحنكة والهدوء والاعتدال!! كلنا اخوان، اللي يسمي السفاح المسئول الأول عن كل الجرائم "جلالة الملك" ويريد ينصبه ملكا على البلاد والعباد ويسمي الرموز وشباب ثورة 14 فبرير "متطرفين" و "مجهولين".. واللي يقول "يسقط حمد" اخوان سمن على عسل! كلنا اخوان، اللي يسمي الحرامي العود سلمان بحر "سمو ولي العهد الأمين" ويعلق عليه الآمال.. واللي ينادي لاتنخدعوا في هذا الماكر.. كلهم اخوان! كلنا اخوان، اللي يقول للنظام احنه معتدلين والرموز متهورين ومتطرفين.. فعلا اخوان! كلنا أخوان، اللي بدأ بتحريف مسيرات الثورة.. والعمل بعكس اتجاهها.. اخوان واحبة وهدفهم واحد! كلنا أخوان، اللي –الى الامس القريب- ما راضي يسمي الثورة "ثورة".. واللي امسوي الثورة ويحافظ على ديمومتها.. كلنا اخوان! كلنا أخوان، اللي يسمي شهيد الثورة "قتيل" ، والقتيل الوهمي للسلطة "شهيد" .. كلنا اخوان! كلنا أخوان، اللي يعلنها في الملأ العام بأنه سيقف مع الدبابة البحرينية (الحالية) ضد الدبابة الإيراينية (الحالية) .. ومن يسحق الدبابات في القرى .. اخوان وهدفهم واحد !! كلنا أخوان، اللي يحاول إخماد نار الثورة .. واللي يثور كلهم أخوان.. وأكيد كلنا أخوان وأشقاء.. اللي يصنع الثورة ويحافظ عليها بدمه، واللي يسرقها! واخيرا، كلنا أخوان: من يريد حمد.. ومن: يسقط حمد! |
| الساعة الآن 07:08 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir