السلام عليكم .. واسعد الله اوقاتكم

#poem_514c9d0437148 td {font-family: Tahoma, Verdana, Arial, Helvetica, sans-serif;font-size: medium;font-weight: bold;} الشعر موروث العرب له عاشقينه كل جيل لو كنت ماتهواه يللي مالقى عندك قبول إن لم يكن لك من فصيح الشعر في السابق حصيل اما تقل خيرا" لنا او ليتَ فضلاً كن خجول ترا اختلاف الراي مايفسد قضيه مع خليل ب الود لو دارَ نقاشاً بيَنهم حتماً يزول ماقلت صح لسان لا هذا ولا ذا يابخيل صحيح لك حرية التعبير .. لكن فيه اصول دوٌر مع الشعار ميرادا"من الشعر الاصيل بعيد عن صوت الجماهير الغفيره والطبول تلقاه ماهو في طويل الصوت والا بالصهيل ان انولد يرقى ابد مايتبعه بعده نزول يغنيك عن زايد كثيره مايفيدك بالقليل يرقى بك اعتاب الخيال ان انرسم وسط العقول هو كيف له ناس" تبيه بهيل والا زنجبيل ممزوج للمتذوقين بذوق من ذولا وذول مايختلط بعيونهم وصف المثلث مستطيل كم مهرتا" لو دللت ماهي وصيفه للذلول ماهو صحيح ان اعذبه في اكذبه لو كان قيل كم قافيه ماتطلع الا من مواجيعاً تهول من ساكنا" قريحته ثارت مسى يوم الرحيل او ظايقا" يذكر مساه الي جراله قبل حول كلاً على ليلاه يبني ماترا عينه جميل بعيون طبعه يسرج افكاره على .. متن الرحول ارداه في زرع الفتن بالناس واشعال الفتيل واطيبه في مدح الاله الي وهبنا ..والرسول مابينهن تلقى صعود ومنحدر حرف ..وهزيل وان ماقريت المستوي بالشعر ..لاتقرا الميول وان صرت ما تملك يدينا" تجني عذوق النخيل ماحد درالك لو عن الشعار قلت او ماتقول ابعد عن دروب السحاب اذا نشا لوونه ظليل لا صار ماعندك خطط فعٌاله لدرء السيول.
.

عايد المفالحة الشراري//مرقاب الوله