#poem_5148cb63453a4 td {font-family: 'Simplified Arabic', Arial, Helvetica, sans-serif;font-size: x-large;font-weight: normal;} ياذييب ياللي عاوي ٍ عويت الجوع بكتيني باذيب وقت الاهله بكيتني ياذيب من مدة اسبوع واليوم ثامن ودمع عيني اهله عليك قلبي من المعاليق منزوع نزعة جناح الطير من ماكر له وصيتي ياذيب لا تكثر الروع اليا حداك الجوع فالضلع خله ماب الرجم ياذيب مايطفي اللوع قبلك رقيته وزود القلب عله لقيت غل ٍ ياردفه هم متبوع بين العلايق كل عرق يتله وياونتي ونة كفيف ومجدوع بحامي الوطيس ومالقى ذاري له يالجو صاروخ ٍ والوطا لغم مزروع وحس الطلق من كل صوب وخله واغدا عصاه ومامشى بخطوته بوع ودرب السلامه لو بغى مايدله قالوا يزيد الشوق مع كل ممنوع وفكري على شوق الغضي مرخص له يغيب يوم وان رجع صار موجوع عليه حلف خاطري مايفله واصد وبكي والحق الدمع بدموع مثل اليتيم مالقى من يشله هذا ولغزي كاتمه بين الاضلوع خمسين ليله اوجسه في محله ياويش بنت حقها حق مشروع معروفة ٍ في كل عهد ومله كل ٍ يبيها لو تغير بها طبوع اللغز جاكم يالربع من يحله