منتدى استراحات زايد - خذ الحكمة من أفواه المجـآنين ؟؟؟

بسم الله الرحمن الرحيم ..

الســـلآم عليكم ورحمة الله وبركـآته ,, حيّـآكم الله يـآمشرفين واعضاء وزوّآر خيمة " السوالف الشعبيه "

في ليلتن من ليالي الصيف كنّآ معتادين في قريتنا الذهاب لشعيب خليط بطحا ورمل ومن يجي المغرب سبحان الله العظيم مثلّج وجلستن فيه ماتنعاف ,وهالشعيب يبعد عن الديره حوالي 100 متر , والكل منا بعد مايتعشى عند اهله ينصى هالشعيب , يلقى فيه الشباب والشله احدا يجي مغرب واحدن يجي بعد العشا المهم ان الشلة ماتنتهي هذا يجي وهذا يروح , صغيروكبير . وتدور الاحداث كلها من باع ومن شرى وش حصل وش ماحصل , والكل يجي من ضمن اللي يجون " واحدن عليه من الله ظلال يعني ( مهبول ) بالعاده يطلب هالمهبول من بعض الناس ريـال , المهم في يوم من الأيام قبل لآيسأل , سبقه واحد من العيال وقاله : خذ هالريـآل !! , اخذ الريـآل ومسكه ,حطه قدام خشمه ويطالعه ويحاتسيه وبعدها رمـآه ,أخذنا ننصت له ونسمع قلنا : ورآك رميت الريــآل ؟؟؟

قــآل : الريــآل ريـآل !!
يسستعبده الرجـآل
ويحقق المستحـآل
ويحطم شمّخ الجبآل

_______________

أستغربنا هالحكمه من هالمعتوه للعلم , كان هالمعتوه من اطيب الرجاجيل واذكاهم واشطرهم في الدرآسه وواصل مراحل متقدمه يوم الناس جهل , لكن امر الله وماصار !

وعلى مـآقيل , خذ الحكمه من أفواه المجانين .

وفي سـآلفه اخرى نلقاكم وأنتم بأطيب حال , , ,