شعر بين عسكري ومدني
 

شعر بين مدني وعسكري

المدنـــي
.................

يا عسكري فالعيد انسى ثيابــك
وخلك على بدلتك وأمسك طوابير
الله يعينـــك عقـــدوك بشبابـــك
مالك مع أهل الدار فرحه وتعبيــر
واحذر تاخر ثم يصـــــدر عقابـــك
جزا تعهد في ملفـــك وتــــاخير
ولو تعتذر ما حد بيسمع جوابــك
وجزاك مأخوذ ولو فيـــــه تبريـــر
وان كان تبغي العيد جهز ثيابــك
خذها غياب وما يهمـــك تقاريــر

رد العسكري
................

يا راعــي اﻻ‌بيــــــات يا مــرحبـــابك
من عـسكري راضي بحكم المقادير

هو حامــيٍ عرضــــك وحامــي ترابك..
وساهر على راحتك في صبح واعصيـر !

يوم آنت وسط البيـــــت محدٍ درابك ..
مآ تفرق بفعلک فـــــعول الغنـآدير !

وإليا وصلك الخصـــم عند حد بابك ..
ما فيك خير وفـــزعتـــك مابها خير !

خلّه لنـــــا واﻻ‌ أنـــــت ماينـــرجابك..
ناطى على خشمـه بروس البساطير !

وإضحك واسولف ما يجيك الشقابك..
وحنــّا علينا دفع کــــل الفــواتيــــر !

ما همّنا عيـــدك وكشـــخة ثيــــابك..
وﻻ‌ نقـــــدّم فيـــــه عذر ومعـاذيــر !

العيد عند (الــعســکري) يا جنابـــك.
إن الوطن في خير والشعب في خير