|
الاميرالشاعر الفارس محمد الأحمد السديري :good2: وهذه القصيده يسندها على الامير عبدالله الفيصل: عن غوج أبوخالد نشدنا هل الخيل .... قالوا لنا يلفح بيمنا سليمه قالوا قحوم ويرفع الراس بالحيل .....مع أول الغاره يعطعــط رهيمه يهز عرفه والسبايا مشـــاويل .....متذكر هــــاك الفعـــول القديمه يسبق ولا يلحق بركضه تنافيل .....والبكره الوضحى خذاها غنيمه كسبه فتــاة ولا يخز المخـاليل .......هــاك الخزيره حـط فيـها وسيمه غارة ضحى ما غارته بأوسط الليل ......على النقا بـالكود يجدع خصيمه أجابه الأمير عبدالله الفيصل: حي الجواب اللي لفى والتماثيل .....من ماجد ما يستمع للنميمه هو حاصلي ليا كملن المحاصيل .....راس الشكاله والطروق السليمه من كنت خاله مـاشكى بردة الحيل..... يرد مثلك في توالي الهزيمـة غوجي على ظنك وترك هل القيل ......من مربط نادر عسى الله يديمه خص إلى من شاف زين التعاليل .....مثل العنود ان عاودت في الحزيمه ما جمع أصله مثل خطـو المهاشيل...... اللي تدك بهم عروق سـقيمه |
| الساعة الآن 02:11 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir